តំណាងអយ្យការតុលាការក្រុងភ្នំពេញ បានចេញដីកាកោះ មេដឹកនាំគណបក្សជំទាស់ លោកទាវ វណ្ណុល ឱ្យចូលខ្លួន តាមពាក្យបណ្តឹងមេធាវីរបស់រដ្ឋាភិបាលពាក់ព័ន្ធការអត្ថាធិប្បាយរបស់លោកជាមួយប្រព័ន្ធផ្សព្វផ្សាយក្នុងប្រទេសជប៉ុនកាលពីខែកុម្ភៈ អំពីបញ្ហាលទ្ធិប្រជាធិបតេយ្យនៅកម្ពុជា។
អ្នកតាមដានឃ្លាំមើលបរិស្ថាន និងពលរដ្ឋមួយចំនួន អំពាវនាវឱ្យមានការរៀបចំសួនច្បារបៃតង និងការដាំដើមឈើបន្ថែមទៀតក្នុងរាជធានីភ្នំពេញ ដើម្បីចូលរួមចំណែកកាត់បន្ថយកម្តៅ និងធ្វើឱ្យទីក្រុងភ្នំពេញមានសោភ័ណភាពដែលជាទីប្រជាពលរដ្ឋចង់រស់នៅ។
ពលរដ្ឋដែលរងគ្រោះពីការរំលោភសិទ្ធិដីធ្លីនៅខេត្តឧត្តរមានជ័យសង្ឃឹមថាតុលាការប្រទេសថៃនឹងផ្តល់យុត្តិធម៌ឱ្យពួកគាត់ ក្រោយមានវិវាទជាមួយក្រុមហ៊ុនផលិតស្ករសថៃ មិត្រ ផុល(Mitr Phol)ជាង១០ឆ្នាំមកហើយ។
សាលាដំបូងខេត្តកំពង់ឆ្នាំង កាលពីថ្ងៃពុធ បានសម្រេចឃុំខ្លួនអភិបាលរងស្រុកកំពង់លែងម្នាក់និងបក្ខពួក២នាក់ផ្សេងទៀតជាបណ្តោះអាសន្ន ក្នុងពន្ធនាគារពីបទសង្ស័យថាពាក់ព័ន្ធការប្រព្រឹត្តបទល្មើស បំផ្លាញព្រៃលិចទំហំ៩ហិកតានៅតំបន់ហាមឃាត់ ឬតំបន់ដែលជាជម្រកត្រីពង។
ថ្លែងជាមួយអ្នកសារព័ត៌មានក្រោយបញ្ចប់សវនាការលើកទី៦ នៅពីមុនសាលាឧទ្ធរណ៍ភ្នំពេញ អ្នកស្រី ម៉េង សុភារី បានបញ្ជាក់ថា តុលាការបានចោទសួរលោក កឹម សុខា ពីការធ្វើបាតុកម្មនានាកន្លងមក ក៏ដូចជាគម្រោងនៃការធ្វើបដិវត្តន៍ដោយបានលើកអង្គហេតុមួយចំនួនដែលជាប់ពាក់ព័ន្ធនឹងលោក។
អ្នកការពារសិទ្ធិមនុស្សនៅកម្ពុជា បង្ហាញការព្រួយបារម្ភអំពីការបន្តធ្លាក់ចុះនៃការគោរពសិទ្ធិមនុស្ស និងការរឹតត្បិតលម្ហនយោបាយនៅកម្ពុជា បន្ទាប់ពីសមត្ថកិច្ចចាប់ខ្លួនសមាជិក ឬសកម្មជនគណបក្សជំទាស់ជាបន្តបន្ទាប់ក្នុងរយៈពេលប៉ុន្មានសប្តាហ៍ចុងក្រោយនេះ។
តំណាងសមាគមអ្នកប្រើប្រាស់អំពាវនាវដល់ប្រជាពលរដ្ឋឱ្យចូលរួមសហការជាមួយនឹងសមាគមដើម្បីរកដំណោះស្រាយលើកង្វល់ដែលពួកគាត់ជួបប្រទះ ពាក់ព័ន្ធបញ្ហាចំណីអាហារខូចគុណភាពដែលនៅបន្តជាក្តីបារម្ភក្នុងសង្គមកម្ពុជា។
អតីតនាយករដ្ឋមន្ត្រីកម្ពុជាដ៏មានឥទ្ធិពល លោក ហ៊ុន សែន បានក្លាយជាប្រធានព្រឹទ្ធសភានីតិកាលទី៥ដូចការគ្រោងទុក ហើយបានប្តេជ្ញាការពាររដ្ឋធម្មនុញ្ញ របបរាជានិយម លទ្ធិប្រជាធិបតេយ្យសេរីពហុបក្ស និងនីតិរដ្ឋ។
អ្នកតាមដានសង្គមយល់ថា អាជ្ញាធរនិងភាគីពាក់ព័ន្ធដូចជាឪពុកម្តាយ ឬអាណាព្យាបាលក្មេងទាំងនោះៗ ត្រូវចូលរួមគិតគូរ និងដោះស្រាយ និងទប់ស្កាត់សកម្មភាពអនាធិបតេយ្យនេះ ដើម្បីរក្សាភាពថ្លៃថ្នូរ និងលើកកម្ពស់សីលធម៌ក្នុងសង្គមកម្ពុជា។
អ្នកតាមដានស្ថានការណ៍នយោបាយកម្ពុជាថ្លែងទាំងប្រយ័ត្នប្រយែងថា អ្វីដែលលោកហ៊ុន សែន កំពុងធ្វើមានគោលដៅស្នូលមួយគឺដើម្បីជួយ និងការពារកូនប្រុសច្បងរបស់លោក គឺលោក ហ៊ុន ម៉ាណែត ដែលបាននិងកំពុងស្ថិតក្នុងតំណែងជានាយករដ្ឋមន្ត្រីជាង៧ខែ គិតចាប់តាំងពីការឡើងកាន់អំណាចកាលពីខែសីហា ឆ្នាំ ២០២៣។
លោកបញ្ជាក់ទៀតថា កម្ពុជាគឺជាប្រទេសដៃគូដ៏រស់រវើក និងទាក់ទាញក្នុងសហគមន៍អាស៊ាន ដោយទីតាំងប្រកបដោយឧត្តមភាពរបស់កម្ពុជាបានផ្តល់នូវការតភ្ជាប់ដោយរលូននៅទូទាំងតំបន់ និងបង្កើតឱ្យមានប្រព័ន្ធអេកូឡូស៊ីនៃកិច្ចសហការ ដែលផ្ដោតលើការផ្តល់ផលប្រយោជន៍ទៅវិញទៅមក និងសុខុមាលភាពរួមក្នុងតំបន់។
លិខិតដដែលបានសរសេរថា ពាក់ព័ន្ធនឹងករណីនេះ ក្រសួងមហាផ្ទៃស្នើអភិបាលនៃគណៈអភិបាលរាជធានី ខេត្ត«ពិនិត្យស្រាវជ្រាវ នឹងចាត់ចែងដោះស្រាយសំណើខាងលើស្របតាមច្បាប់ និងលិខិតបទដ្ឋានគតិយុត្តជាធរមាន»។
ព័ត៌មានផ្សេងទៀត
