A yayin da ake shirin bikin tunawa da zagayowar ranar yaran Afrika ta 16 ga watan Yuni wata kungiyar kula da kare hakkin yara kanana CONAFE Niger da kungiyar MDM ta kasar Belgium, sun shirya wani taro domin horar da likitoci dubarun baiwa yara kariya daga annobar covid 19.
Yau talata 15 ga watan Yuni ake fara zagaye na 2 na kamfen riga kafin cutar covid 19 a jamhuriyar Nijer inda za a kafa asibitocin tafi da gidanka a mashigar ma’aikatun gwamnati tashoshin shiga motocin haya da filayen jirgin sama da gidajen hakimai da masu unguwa .
Hukumomin kiwon lafiyar al’uma a Jamhuriyar Nijar sun shirya wani babban gangami da nufin karrama ranar masu bada jini ta duniya wacce ake shagulgulanta a ranar 14 ga watan Yuni a ko ina a duniya da nufin ganar da jama’a mahimmancin bada gudunmowar jini a asibitoci.
Wannan shi ne karo na biyu da ake kai hari a gidan shugaban jam’iyar MNSD Seini Oumarou a kasa da shekara daya.
‘Yan Nijar kamar sauran takwarorinsu na kasashen Afrika renon Faransa sun fara maida martani bayan da shugaba Emmanuel Macron na Faransa ya bayyana shirin janye sojan kasar daga yankin Sahel.
Hukumar yaki da fataucin miyagun kwayoyi OCRTIS a Jamhuriyar Nijar ta shigar da kara a kotu bayan da wata jarida mai zaman kanta dake da ofishi a kasar Switzerland ta ruwaito wani labari dake cewa wani bangare na tabar wi-wi da aka kama a Nijar a watan Maris din da ya gabata ya koma wajen mai shi.
Shugaban kasar Nijer Mohamed Bazoum ya gana da shugabanin kungiyoyin fararen hula a fadarsa inda suka tantauna kan,wasu mahimman batutuwan da suka shafi tafiyar kasa a ci gaba da neman hanyoyin magance matsalolin da aka yi fama da su a baya.
Faransa ta fada a ranar Alhamis cewa za ta dakatar da ayyukan soji na hadin gwiwa tare da sojojin Mali bayan juyin mulkin da kasar ta yammacin Afirka ta yi a karo na biyu cikin wata tara.
Tawagar jami’an hukumar kare hakkin dan adam ta kasar Burkina Faso, ta kai ziyara Nijar da nufin karawa juna sani sakamakon abinda aka kira jajircewar hukumar kare hakkin dan adam ta Nijar wato CNDH wajen fito da sahihan bayanan cin zarafi da toye hakkin jama’ar kasar ba tare da nuna son rai.
A Jamhuriyar Nijar, ‘yan kasar sun yaba da nasarorin da sojojin kasar suka fara samu da hadin gwiwar takwarorinsu na rundunar MNJTF a yakin da suke gwabzawa da ‘yan ta’adda.
A Jamhuriyar Nijar hukumomin kiwon lafiya da hadin gwiiwar kungiyoyi masu zaman kansu na ci gaba da karfafa matakai domin riga-kafin cutar yoyon fitsari yayin da a wani bangare aka fara yunkurin kawo karshen kyamar da mata masu fama da wannan cuta ke fuskanta a sahun al’uma.
Majalisar dokokin Jamhuriyar Nijar ta yi na’am da manufofin siyasar da gwamnatin kasar ke fatan zartarwa a tsawon shekaru 5 na wa’adin mulkin shugaba Mohamed Bazoum.
Duk da matakan da gwamnatin Nijar ta dauka a shekarun baya-bayan nan don ganin kasar ta samu ci gaba a alkaluman kididigar da hukumar UNDP ke fitarwa a kowace shekara kan batun ci gaban rayuwar jama’a, da alama har yanzu tsugune bai kare ba.
Gwamnatin jamhuriyar Nijar ta yi karin haske game da abubuwan da suka faru da wasu ‘yan kasar mazauna Cote d’Ivoire sakamakon yamitsin da ya barke ranar Larabar da ta gabata a birnin Abidjan inda aka kwashi ganima a shagunan ‘yan Nijar, aka yi masu duka kafin hukumomin Cote d’Ivoire su dauki mataki.
Shugaban kasar Nijar Mohamed Bazoum ya kaddamar da farautar mahandama dukiyar jama’a a karkashin shirin da ake kira Operation ‘’Ba-sani Ba-sabo’’ inda tuni bincike ya rutsa da wani babban jami’i a fadar shugaban kasa saboda zarginsa da handame miliyoyin cfa.
Kungiyar tsofaffin Ministoci da manyan jami’an diflomasiya na Jamhuriyar Nijar ta yi kira ga hukumomi da su farka daga barci don tunkarar matsalar tsaro dake kara tsananta a jihar Tilabery, inda yanzu haka dubban mazauna garuruwan da ke kusa da iyakar Mali suka fara tserewa daga matsugunnansu.
A jamhuriyar Nijer mazaunan karkarar Anzourou iyakar kasar da kasashen Mali da Burkina Faso sun fara tserewa zuwa Tilabery babban birnin jiha da nufin samun mafaka sanadiyar karuwar hare haren ‘yan bindiga a ‘yan makwanin nan, inda gwamman fararen hula da jami’an tsaro suka rasu.
A Jamhuriyar Nijar, wani ce-ce-ku-ce ya barke a tsakanin bangarorin kasar bayan da ‘yan adawa suka zargi tsohon shugaban kasa Issouhou Mahamadou da siyen wani fili mallakar gwamnati alhali doka ba ta yarda da haka ba. Sai dai makusantansa na kallon abin tamkar rashin sanin abin fada ne.
Kwana 1 bayan da rundunar mayakan Chadi ta bada sanarwar murkushe dukkan wani kutsen ‘yan tawayen FACT, Shugaban gwamnatin mulkin sojan kasar General Mahamat Idriss Deby, ya kai ziyara a Jamhuriiyar Nijar a ranar Litinin 10 ga watan Mayu inda suka tattauna da shugaban kasa Mohamed Bazoum a fadarsa.
Wadansu mazauna birnin Yamai sun koka game da abinda suka kira barazanar da suke fuskanta daga wata sabuwar tashar samar da wutar lantarki mai karfin Megawatt sama da 80 da aka kafa a tsakar gari ba tare da la’akari da ka’idodin da doka ta shimfida ba.
Domin Kari
