UMongameli Emmerson Mnangagwa uthi uhulumende wakhe usekela ukubuyiselwa ekhaya kwabadabuka eZimbabwe abahlala elizweni leli okungekho emthethweni.
UMnangagwa wethule umbiko lo ngoLwesithathu enkundleni yeX ngesikhathi eleMelika liqhuba uhlelo lokududula abadabuka kwamanye amazwe abangelamaphepha aqondileyo njalo lezigebengu.
Kulabadabuka eZimbabwe abedlula amakhulu amahlanu lamatshumi amane – 545 abasengwalweni zohlangothi lwendaba zekhaya okwakumele bebiselwe eZimbabwe nyakenye. Abanye ababo ngabephula imthetho yeMelika.
Banengi abasola okwethulwe nguMnangagwa abathi kazizweli izizalwane zeZimbabwe ezilakho ukubuyela ekhaya okungelamisebenzi lokunye okokuziphilisa.
Ukuhlaziya udaba lolu, sixoxe loMnu. Raphael Mthombeni odabuka eZimbabwe ohlala eDallas, Texas, othi wenze hahle uMnangagwa ngokuvuma ukwamukela izizalwane zelizwe lakhe ezizasuswa eMelika nguhulumende kaMnangagwa.
Forum