លោក ស៊ុន ណារិន គឺជាអ្នករាយការណ៍ព័ត៌មានឲ្យវីអូអេ ប្រចាំរាជធានីភ្នំពេញនៃប្រទេសកម្ពុជា។ សេចក្តីរាយការណ៍របស់លោក ផ្តោតសំខាន់លើបញ្ហានយោបាយ សិទ្ធិមនុស្ស សង្គម និងបរិស្ថាន។
ក្រសួងការបរទេសកម្ពុជាបញ្ជាក់ថា កិច្ចប្រជុំបានគូសបញ្ជាក់អំពីសារៈសំខាន់នៃការប្រកាន់ខ្ជាប់នូវមជ្ឈភាពអាស៊ាន និងសាមគ្គីអាស៊ាន នៅក្នុងកិច្ចសហការជាមួយដៃគូខាងក្រៅរបស់អាស៊ាន។
សកម្មជនម្នាក់របស់គណបក្សភ្លើងទៀនត្រូវបានអាជ្ញាធរថៃចាប់ខ្លួនកាលពីថ្ងៃសុក្រសប្តាហ៍មុន បន្ទាប់ពីបុរសនោះបានរត់ភៀសខ្លួនចូលទឹកដីថៃ ដោយសារព្រួយបារម្ភអំពីសុវត្ថិភាពផ្ទាល់ខ្លួន ព្រោះអាជ្ញាធរមូលដ្ឋានស្រុកស្អាង ខេត្តកណ្តាល បានចុះទៅដល់ផ្ទះរបស់លោក។
គណបក្សប្រជាធិបតេយ្យមូលដ្ឋាន (Grassroots Democratic Party ឬ GDP) នៅថ្ងៃចន្ទនេះ បានចាប់ផ្តើមយុទ្ធនាការឃោសនារកសំឡេងឆ្នោតសម្រាប់ការបោះឆ្នោតជ្រើសតាំងតំណាងរាស្ត្រ នាថ្ងៃទី២៣ ខែកក្កដាខាងមុខ អមដោយសារនយោបាយមួយចំនួន ក្នុងនោះក៏មានគោលនយោបាយក្នុងការកំណត់អាណត្តិនាយករដ្ឋមន្ត្រីផងដែរ។
ពេលវេលានៃប្រកាសរបស់លោក ហ៊ុន សែន គូសបញ្ជាក់ពីការពឹងផ្អែកលើទីក្រុងប៉េកាំងក្នុងការផ្តល់នូវវឌ្ឍនភាពសេដ្ឋកិច្ច អំឡុងពេលដែលលោកស្ថិតក្នុងអំណាចជិត ៤០ ឆ្នាំមកហើយ។ ទំនាក់ទំនងនេះត្រូវបានអ្នកអ្នកវិភាគព្រមានថា នឹងធ្វើឱ្យទីក្រុងភ្នំពេញធ្លាក់ទៅក្នុងការជំពាក់គុណទីក្រុងប៉េកាំង។
កិច្ចប្រជុំពាក់ព័ន្ធនេះ ធ្វើឡើងក្រោមមូលបទ «សារៈសំខាន់អាស៊ាន៖ ស្នូលនៃកំណើន» ដែលនឹងប្រព្រឹត្តទៅ ចាប់ពីថ្ងៃទី ១១ ដល់ទី ១៤ ខែកក្កដា ឆ្នាំ ២០២៣ នៅរដ្ឋធានីហ្សាការតានៃសាធារណរដ្ឋឥណ្ឌូណេស៊ី។
រដ្ឋាភិបាលកម្ពុជាបានសម្រេចមិនឲ្យសមាជិកក្រុមប្រឹក្សាត្រួតពិនិត្យនៃក្រុមហ៊ុន Meta ដែលគ្រប់គ្រងហ្វេសប៊ុក ចូលប្រទេសកម្ពុជា ហើយចាត់ទុកអនុសាសន៍ឲ្យព្យួរគណនីហ្វេសប៊ុករបស់លោកនាយករដ្ឋមន្រ្តី ហ៊ុន សែន ថាមានលក្ខណៈនយោបាយ។
ភាពមិនប្រក្រតីទាំងនោះ គឺស្ថិតនៅលើទម្រង់១១០២ ពាក់ព័ន្ធនឹងការគណនាចំនួនសន្លឹកឆ្នោត ដែលករណីខ្លះលើសសន្លឹកឆ្នោត និងករណីខ្លះទៀតខ្វះសន្លឹកឆ្នោត។
នេះជាករណីពុលស្រា ដែលមានកម្មករជាជនរងគ្រោះស្លាប់៥នាក់ ដែលធ្វើការនៅក្រុមហ៊ុនដាំចេកឈ្មោះហ័ង អាញ អណ្តូងមាស មានទីតាំងស្ថិតក្នុងឃុំស្រែអង្រង ស្រុកកូនមុំ ខេត្តរតនគិរី។
គណបក្សហ៊្វុនស៊ិនប៉ិចដែលដឹកនាំដោយព្រះអង្គម្ចាស់ នរោត្តម ចក្រាវុធ បានចាប់ផ្តើមយុទ្ធនាការរកសំឡេងឆ្នោតរបស់ខ្លួន ដោយមានការចូលរួមពីអ្នកគាំទ្រប្រមាណ ៣ ពាន់នាក់ ខណៈទីលាននៃការប្រកួតប្រជែងលើកនេះគ្មានវត្តមានគណបក្សប្រឆាំងដ៏ធំមួយ។
យុទ្ធនាការរបស់គណបក្សនេះត្រូវបានដឹកនាំដោយព្រះអង្គម្ចាស់ នរោត្តម ចក្រាវុធ ព្រះប្រធានគណបក្ស។ ទីលាននៃការប្រកួតប្រជែងសម្រាប់ការបោះឆ្នោតជ្រើសរើសតំណាងរាស្ត្រនីតិកាលទី ៧ នេះ អវត្តមានគូប្រជែងដ៏ចម្បងមួយ គឺគណបក្សភ្លើងទៀន៕
ព្រឹកថ្ងៃសៅរ៍នេះគឺជាថ្ងៃចាប់ផ្តើមនៃយុទ្ធនាការឃោសនាបោះឆ្នោតសម្រាប់ការបោះឆ្នោតថ្នាក់ជាតិនាពេលខាងមុខនេះ។ គណបក្សប្រជាជនកម្ពុជា និងគណបក្សខ្មែររួបរួមជាតិ បានចាប់ផ្តើមយុទ្ធនាការរកសំឡេងឆ្នោតរបស់ខ្លួននៅរាជធានីភ្នំពេញ ដោយមានការចូលរួមពីអ្នកគាំទ្រជាច្រើននាក់។
បើទោះបីរដ្ឋាភិបាលបានបើកការដ្ឋានសាងសង់កាលពីថ្ងៃទី ៧ ខែមិថុនា ឆ្នាំ ២០២៣ ប៉ុន្តែការសិក្សាត្រូវបានអ្នកភូមិអះអាងថា មិនទាន់ច្បាស់លាស់នៅឡើយអំពីផលប៉ះពាល់ ហើយមេឃុំក៏មិនទាន់មានព័ត៌មានអំពីផលប៉ះពាល់នៃគម្រោងមួយនេះទៅលើផ្ទះ និងដីរបស់ប្រជាពលរដ្ឋ។
ប្រមុខដឹកនាំរបស់អង្គការសហប្រជាជាតិបានរិះគន់ការបោះឆ្នោតនៅកម្ពុជានៅខែកក្កដានេះ ក្រោយគណបក្សភ្លើងទៀនមិនត្រូវបានចុះបញ្ជីចូលរួមការបោះឆ្នោតនេះ។ អ្នកនាំពាក្យរដ្ឋាភិបាលកម្ពុជាស្នើសុំឱ្យអគ្គលេខាធិការអង្គការសហប្រជាជាតិពិនិត្យមើលព័ត៌មាន មុននឹងរិះគន់ដំណើរការបោះឆ្នោតនៅកម្ពុជា។
គណបក្សភ្លើងទៀនបានអះអាងថា ខ្លួនបានព្យាយាមស្វែងរកដំណោះស្រាយដោយស្នើសុំសេចក្តីចម្លងដែលមានបញ្ជាក់នីត្យានុកូលកម្មនៃប្រកាសលេខ១៩៣ពីក្រសួងមហាផ្ទៃ ប៉ុន្តែមិនទទួលបានតាមការស្នើសុំ។
អ្នកនាំពាក្យតុលាការ លោក កែវ ពិសិដ្ឋ ប្រាប់វីអូអេនៅថ្ងៃអង្គារនេះថា ចៅក្រមស៊ើបសួរសម្រេចឱ្យបុគ្គលទាំង៣នៅក្រៅឃុំបណ្តោះអាសន្ន។ ប៉ុន្តែលោកមិនអាចបញ្ជាក់ថា តើមានលក្ខខណ្ឌអ្វីចងភ្ជាប់លើពួកគេទេ។ លោកបញ្ជាក់ថា នេះមិនមែនជាការទម្លាក់ចោលការចោទប្រកាន់លើពួកគេឡើយ។
ដោយមានសវតាជាកសិករ ហើយបានឃើញអំពើអយុត្តិធម៌នានាមកលើប្រជាកសិករ លោក ថេង សាវឿន បានសម្រេចចាប់យកអាជីពជាអ្នកការពារសិទ្ធនិងផលប្រយោជន៍របស់កសិករ។
ក្រុមគ្រួសាររបស់លោក ថេង សាវឿន និងសហការីរបស់លោក២នាក់ផ្សេងទៀតដែលកំពុងជាប់ឃុំឃាំងបានអះអាងថា ការចោទប្រកាន់របស់តុលាការធ្ងន់ធ្ងរ និងអយុត្តិធម៌ ដោយការពារសកម្មភាពរបស់ក្រុមគ្រួសារថា គឺធ្វើដើម្បីការពារប្រយោជន៍របស់កសិករតែប៉ុណ្ណោះ។
ក្រុមគ្រួសាររបស់ថេង សាវឿន និងសហការីរបស់លោក២នាក់ បានអះអាងថាអាជ្ញាធរពន្ធនាគារខេត្តរតនគិរី មិនអនុញ្ញាតឲ្យពួកគេចូលសួរសុខទុក្ខឡើយ កាលពីព្រឹកថ្ងៃអង្គារ ក្រោមហេតុផលថាខ្លាចឆ្លងជំងឺកូវីដ។
មួយថ្ងៃក្រោយតុលាការខេត្តរតនគិរីចោទប្រកាន់ លោក ថេង សាវឿន និងសហការីរបស់លោក ពីបទចោទប្រកាន់«រួមគំនិតក្បត់» និងញុះញង់ ក្រុមគ្រួសារបានព្យាយាមទៅសួរសុខទុក្ខពួកគេទាំង ៣នាក់ ប៉ុន្តែមិនត្រូវបានអនុញ្ញាតឲ្យចូលឡើយ ក្រោមហេតុផលខ្លាចឆ្លងជំងឺកូវីដ១៩។
តុលាការខេត្តរតនគិរីបានសម្រេចឃុំខ្លួន លោក ថេង សាវឿន និងសហការីរបស់លោក ២នាក់ នៅល្ងាចថ្ងៃចន្ទ ក្រោមបទចោទប្រកាន់រួមគំនិតក្បត់ និងញុះញង់បង្កអន្តិសុខសង្គម។
ព័ត៌មានផ្សេងទៀត
