WASHINGTON D.C —
Jami’ar kasar Indonesia sun ce a kalla mutane 17 ne suka mutu, yayinda har yanzu mutane uku suka bace bayan wata ambaliyar ruwa da aka yi kusa da wani wurin yawon bude ido a kasar.
Wata tawagar daliban jami’a su saba’in da kuma jagororinsu suna ziyarar wata mahadar ruwa ta Dua Warna dake arewacin Sumatra lokacin da ruwan yayi ambaliya a daya daga cikin makwararin ruwan.
Masu aikin ceto rayuka suna kan kokarin neman wadanda suka bace.
An saba ganin irin wannan tumbudin ruwan a lokacin tashin koramar ruwa a Indonesia dake lafawa a watan afrilu galibin shekaru.
