Shugaban tsare-tsare a kungiyar tarayyar turai ta EU Josep Borrel, shi ma ya fada a ranar Litinin cewa, shugabanin kungiyar ta EU za su goyi bayan duk wani kira da zai ba da damar “a dakatar da fadan saboda al’amari na jin-kai” domin a samu shiga da kayayyakin agaji a yankin na Gaza.
Ana ci gaba da nuna damuwa game da yiwuwar yaduwar fadan da ake yi tsakanin Isra’ila da Hamas a yankin Gabas ta Tsakiya yayin da Amurka take kara tura dakarunta zuwa yankin tare da yi wa ‘yan kasarta gargadi kan barazanar da za su iya fuskanta a yankin.
Dandalin Mu Tattauna