Abahlamuki beMarch 23 (M23) sebehluthune idolobho leBukavu eliduzane leleGoma, abalihluthuna ekuqaleni kwayonale inyanga, njalo bathembisa ukuba bazahluthuna amadolobho amanengi loba inhlanganiso ezigoqela eyeAfrican Union, Southern African Development Community leyeEast Africa Community zikhuthaza ukuthi bebeke phansi izikhali bekhulumisane lohulumende kaMnu. Felix Tshisekedi.
Abezindaba abeReuters labeAssociated Press babika ukuba abahlamuki laba bahluthune idolobho leli elilabantu abedlula isigidi – 1,3 million – besithi bavikela uzulu ohlaselwa libutho leDemocratic Republic of Congo.
UTshisekedi, obuyele ekhaya ngoLwesihlanu kungakaqgitshwa umhlangano weMunich Security Conference obuqhutshelwa kweleGermany, uthi abahlamuki laba basekelwa ngeleRwanda lamanye amazwe.
UMongameli Paul Kagame wakweleRwanda uyakuphika lokhu.
Sokubulewe abakutho leSouth Africa, Malawi, Uraguay lamanye amazwe abalondoloza ukuthula kulelolizwe.
Ukuhlaziya okwenzakala kweleDRC, sixoxe loMnu. Thembalani Dube, olandela ezombusazwe ezimele, othi kunengi okumele kwenziwe ukube kumiswe impi le.
Forum