Kuqhutshwa umhlangano omkhulu kweleTanzania owomanyano weSouthern African Development Community (SADC) loweEast Africa Community owokuhlolisisa impi eyesabekayo kweleDemocratic Republic of Congo.
UMongameli Emmerson Mnangagwa ngomunye wenkokheli esemhlanganweni lo oqgitshwa ngoMgqibelo, ozahlolisisa ukulwisana kabahlamuki beMarch 23 (M23) lebutho leDRC.
IM23 isihluthune idolobho leGoma njalo ithi ilakho ukuyahlasela eKinshasa.
Okwamanje iziphathamandla zobohulumende bamazwe akuhlanhlanganiso zombili balungisa okuzakhulunywa emhlanganweni oqhutshelwa eDar-es-Salaam.
Umhlangano lo uzakhokhelwa nguMnangagwa loMongameli William Ruto weKenya, onguye okhokhela umanyano we-East Africa Community.
Abanye abasemhlanganweni nguMongameli Felix Tshisekedi (DRC), Mongameli Cyril Ramaphosa labanye. Kukhangelelwe njalo ukuba uMongameli Paul Kagame wakweleRwanda laye uzangena umhlangano lo kulandelwa ukwetheswa kwakhe umlandu wokusekela iM23. Uyakuphika lokhu.
IM23 isanda kubulala amabutho akweleSouth Africa, Malawi, Uraguay lamanye amazwe.
Forum