កីឡាករលោតទឹកបានប្រកួតលោតពីលើទឹកជ្រោះមួយកន្លែងនៅក្នុងក្រុង Jajce ប្រទេសបូស្ន៊ី កាលពីថ្ងៃទី ១៣ ខែសីហា។
ភ្លៀងធ្លាក់ខ្លាំងបណ្ដាលឱ្យប្រជាជនឥណ្ឌាត្រូវធ្វើដំណើរតាមតំបន់មួយចំនួនដែលមានលិចទឹក និងបានបង្កឱ្យមានការកកស្ទះចរាចរណ៍នៅតាមទីក្រុងមួយចំនួនក្នុងប្រទេសឥណ្ឌាកាលពីថ្ងៃទី ៦ ខែសីហា កន្លងទៅនេះ។
ក្រុមអ្នកស្វែងរកនិងជួយសង្គ្រោះកាលពីថ្ងៃសុក្រ ទី២៩ ខែកក្កដា ឆ្នាំ២០២២ បានស្វែងរកមនុស្សដែលនៅបាត់ខ្លួនក្នុងគ្រោះជំនន់ទឹកភ្លៀងដ៏ធ្ងន់ធ្ងរមិនធ្លាប់មាន និងដែលបានបណ្តាលឱ្យសហគមន៍មួយចំនួនត្រូវទឹកជំនន់បំផ្លាញទាំងស្រុងនៅក្នុងរដ្ឋ Kentucky សហរដ្ឋអាមេរិក។
វីដេអូនេះបង្ហាញពីត្រីបាឡែនខ្នងកោង (humpback whale) មុជឡើងពីផ្ទៃទឹកសមុទ្រ និងពេលមុជចុះវិញក៏ប៉ះនឹងទូកមួយនៅក្បែរទីក្រុង Plymouth រដ្ឋMassachusetts សហរដ្ឋអាមេរិក។
កសិករថៃប្រណាំងក្របីប្រចាំឆ្នាំកាលពីថ្ងៃអាទិត្យ ដើម្បីទទួលស្វាគមន៍រដូវធ្វើស្រែនៅដើមរដូវវស្សា។
ឧទ្ធម្ភាគចក្រសហការជាមួយនឹងក្រុមការងារពន្លត់អគ្គីភ័យនៅប៉ែកខាងត្បូងប្រទេសអេស៉្បាញ ដែលមានភ្លើងឆេះព្រៃកាលពីថ្ងៃទី១៥ ខែកក្កដា នៅតំបន់ភ្នំ ក្បែរក្រុង Mijas នៃខេត្ត Malaga ដែលក្រុងនោះសម្បូរទៅដោយទេសចរទៅកម្សាន្ដ។
វីដេអូដែលទទួលបានដោយទីភ្នាក់ងារព័ត៌មាន Reuters បានបង្ហាញសកម្មភាពរបស់ក្រុមអ្នកជួយសង្គ្រោះអ៊ុយក្រែន នៅសំណង់អគារ និងការិយាល័យនានាដែលរងការបំផ្លិចបំផ្លាញដោយសារការបាញ់កាំជ្រួចមីស៊ីលរបស់រុស្ស៊ី នៅកណ្តាលទីក្រុង Vinnytsia ក្នុងប្រទេសអ៊ុយក្រែន។
វីដេអូដែលទទួលបានដោយទីភ្នាក់ងារព័ត៌មាន Reuters បង្ហាញក្រុមអ្នកសង្គ្រោះសត្វមួយក្រុម បុគ្គលឧទ្យានជាតិ និងអ្នកធ្វើការស្ម័គ្រចិត្ត បានជួយសង្គ្រោះកូនដំរីមួយក្បាល និងមេដំរី ដែលបានធ្លាក់ក្នុងរណ្តៅមួយ កាលពីថ្ងៃទី ១៣ ខែកក្កដា ឆ្នាំ ២០២២ នៅភាគកណ្តាលប្រទេសថៃ៕
គូស្នេហ៍ហុងគ្រីប្រមាណចំនួន ៣០ គូប្រកួតគ្នារត់ប្រណាំងកាត់ភក់ជ្រាំ ហើយត្រូវលីប្រពន្ធរបស់ខ្លួននៅពីលើស្មា កាលពីថ្ងៃសៅរ៍ ទី ៧ ខែឧសភា។ កីឡានេះត្រូវបានគេលេងតាំងពីយូរយារណាស់មកហើយ។ (Reuters)
វីដេអូពីដ្រូនបង្ហាញពីការខូចខាត ដោយសារបំណែកគ្រាប់មីស៊ីលរបស់រុស្ស៊ីធ្លាក់លើអគារស្នាក់នៅមួយនៅប៉ែកខាងជើងទីក្រុងកៀវ ប្រទេសអ៊ុយក្រែន កាលពីថ្ងៃទី១៨ ខែមីនា ឆ្នាំ២០២២។ នេះបើយោងតាមការបញ្ជាក់របស់ក្រុមមន្ត្រីសង្គ្រោះបន្ទាន់។ (Reuters)
ទីក្រុងកំពង់ផែ Mariupol របស់ប្រទេសអ៊ុយក្រែន បានរងការខូចខាតយ៉ាងដំណំ ក្រោយទាហានរុស្ស៊ីបានវាយប្រហារដោយបាញ់គ្រាំផ្តក់ តាមរថក្រោះ ឧទ្ធម្ភាគចក្រ និងប្រព័ន្ធមីស៊ីល។ សេចក្តីថ្លែងការណ៍របស់ក្រុមប្រឹក្សាក្រុងនេះ បានឲ្យដឹងថា ពលរដ្ឋក្នុងក្រុងប្រមាណ ៣ម៉ឺននាក់ បានរត់គេចខ្លួនរកទីសុវត្ថិភាព ប៉ុន្តែពលរដ្ឋជិត ៤សែននាក់ទៀត បានជាប់គាំងនៅក្នុងក្រុងនេះដែលរងការវាយប្រហារដ៏ខ្លាំងក្លាពីកងទ័ពរុស្ស៊ី។ មន្ត្រីអ៊ុយក្រែនបានអះអាងថា មកទល់ពេលនេះ មនុស្សជាង ២ពាន់នាក់នៅក្នុងក្រុងនេះ បានស្លាប់។ ទីក្រុងនេះគឺជាតំបន់យុទ្ធសាស្ត្រដ៏សំខាន់មួយរបស់យោធារុស្ស៊ី។
រូបភាពតាមឌ្រូនបង្ហាញការខូចខាត់នៅភាគខាងជើងទីក្រុង Kyiv កាលពីថ្ងៃសុក្រ បន្ទាប់ពីផ្នែកខ្លះនៃគ្រាប់មីស៊ីលរបស់រុស្ស៊ី បានធ្លាក់លើអគារស្នាក់នៅរបស់ប្រជាពលរដ្ឋអ៊ុយក្រែន។ នេះបើយោងតាមក្រុមអ្នកសង្គ្រោះបន្ទាន់។
ព័ត៌មានផ្សេងទៀត
