គូស្នេហ៍ហុងគ្រីប្រមាណចំនួន ៣០ គូប្រកួតគ្នារត់ប្រណាំងកាត់ភក់ជ្រាំ ហើយត្រូវលីប្រពន្ធរបស់ខ្លួននៅពីលើស្មា កាលពីថ្ងៃសៅរ៍ ទី ៧ ខែឧសភា។ កីឡានេះត្រូវបានគេលេងតាំងពីយូរយារណាស់មកហើយ។ (Reuters)
វីដេអូពីដ្រូនបង្ហាញពីការខូចខាត ដោយសារបំណែកគ្រាប់មីស៊ីលរបស់រុស្ស៊ីធ្លាក់លើអគារស្នាក់នៅមួយនៅប៉ែកខាងជើងទីក្រុងកៀវ ប្រទេសអ៊ុយក្រែន កាលពីថ្ងៃទី១៨ ខែមីនា ឆ្នាំ២០២២។ នេះបើយោងតាមការបញ្ជាក់របស់ក្រុមមន្ត្រីសង្គ្រោះបន្ទាន់។ (Reuters)
ទីក្រុងកំពង់ផែ Mariupol របស់ប្រទេសអ៊ុយក្រែន បានរងការខូចខាតយ៉ាងដំណំ ក្រោយទាហានរុស្ស៊ីបានវាយប្រហារដោយបាញ់គ្រាំផ្តក់ តាមរថក្រោះ ឧទ្ធម្ភាគចក្រ និងប្រព័ន្ធមីស៊ីល។ សេចក្តីថ្លែងការណ៍របស់ក្រុមប្រឹក្សាក្រុងនេះ បានឲ្យដឹងថា ពលរដ្ឋក្នុងក្រុងប្រមាណ ៣ម៉ឺននាក់ បានរត់គេចខ្លួនរកទីសុវត្ថិភាព ប៉ុន្តែពលរដ្ឋជិត ៤សែននាក់ទៀត បានជាប់គាំងនៅក្នុងក្រុងនេះដែលរងការវាយប្រហារដ៏ខ្លាំងក្លាពីកងទ័ពរុស្ស៊ី។ មន្ត្រីអ៊ុយក្រែនបានអះអាងថា មកទល់ពេលនេះ មនុស្សជាង ២ពាន់នាក់នៅក្នុងក្រុងនេះ បានស្លាប់។ ទីក្រុងនេះគឺជាតំបន់យុទ្ធសាស្ត្រដ៏សំខាន់មួយរបស់យោធារុស្ស៊ី។
រូបភាពតាមឌ្រូនបង្ហាញការខូចខាត់នៅភាគខាងជើងទីក្រុង Kyiv កាលពីថ្ងៃសុក្រ បន្ទាប់ពីផ្នែកខ្លះនៃគ្រាប់មីស៊ីលរបស់រុស្ស៊ី បានធ្លាក់លើអគារស្នាក់នៅរបស់ប្រជាពលរដ្ឋអ៊ុយក្រែន។ នេះបើយោងតាមក្រុមអ្នកសង្គ្រោះបន្ទាន់។
កាលពីថ្ងៃអង្គារ ក្មេងប្រុសម្នាក់ទ្រហោរយំឱបឪពុក ព្រោះតែឪពុករបស់ខ្លួនត្រូវចាកចេញពីគ្រួសារ គ្រាដែលស្ត្រីជាម្តាយនិងកូនៗត្រូវភៀសខ្លួនចេញពីតំបន់ Irpin ដោយសារទាហានរុស្ស៊ីកំពុងវាយប្រហារចូលក្នុងក្រុង។ ពលរដ្ឋនៅក្នុងតំបន់ Irpin បាននាំគ្នាភៀសខ្លួនដោយសារការទម្លាក់គ្រាប់បែកដ៏ខ្លាំងក្លារបស់ទាហានរុស្ស៊ី ដោយខ្លះរុញកូនតូចនឹងរទេះ ឬក្រៀកកូនតូចជាប់នឹងខ្លួន រីឯអ្នកខ្លះទៀតបានរត់ភៀសខ្លួនជាមួយសត្វចិញ្ចឹមនិងសម្ភារៈតិចតួចដាក់ក្នុងថង់។ មនុស្សជាង ២ លាននាក់ ភាគច្រើនជាស្ត្រីនិងកុមារ បានរត់ភៀសខ្លួនចេញពីអ៊ុយក្រែន ចាប់តាំងពីរុស្ស៊ីបានឈ្លានពានលើប្រទេសនេះ កាលពីថ្ងៃទី ២៤ ខែកុម្ភៈមក។ នេះបើយោងតាមឧត្តមស្នងការប្រចាំអង្គការសហប្រជាជាតិទទួលបន្ទុកកិច្ចការជនភៀសខ្លួន៕
ប្រទេសអ៊ីតាលីនឹងបញ្ជូនយន្ដហោះចម្បាំង Eurofighter ចំនួន៤គ្រឿងបន្ថែមទៀតទៅកាន់ប្រទេសរ៉ូម៉ានីពីលើយន្ដហោះចម្បាំងដែលមានស្រាប់ចំនួន៤គ្រឿងនៅទីនោះ។ នេះបើតាមការបញ្ជាក់របស់រដ្ឋមន្ត្រីការពារជាតិអ៊ីតាលី លោក Roberto Guerini កាលពីថ្ងៃទី២៦ ខែកុម្ភៈម្សិលមិញ។ ខណៈដែលសហភាពអឺរ៉ុបកំពុងតែសម្រេចចុងក្រោយលើកញ្ចប់ទណ្ឌកម្មជុំទី១ទៅលើប្រទេសរុស្ស៊ី នាយករដ្ឋមន្ត្រីអ៊ីតាលី លោក Mario Draghi បានថ្លែងថា អ៊ីតាលីបានត្រៀមខ្លួនរួចជាស្រេចក្នុងការផ្ដល់កងកម្លាំងយោធាបន្ថែមចំនួន ៣.៤០០នាក់ ឲ្យអង្គការអូតង់ (NATO) នៅក្នុងកិច្ចខិតខំប្រឹងប្រែងដើម្បីកុំឲ្យវិបត្តិអ៊ុយក្រែនរីករាលដាលកាន់តែធំ។ (Reuters)
ឧទ្ធម្ភាគចក្រ Apache របស់សហរដ្ឋអាមេរិកប្រមាណ ២០ គ្រឿង បានទៅដល់មូលដ្ឋានទ័ពអាកាស Lielvarde ក្នុងប្រទេស Latvia កាលពីថ្ងៃព្រហស្បតិ៍ ទី ២៤ ខែកុម្ភៈ ប៉ុន្មានម៉ោងបន្ទាប់ពីកងយោធារុស្ស៊ីបានឈ្លានពានប្រទេសអ៊ុយក្រែន។
ប៉ូលិសនៅក្នុងប្រទេសកាណាដាបានប្រើស្ព្រៃយ៍បាញ់ឲ្យក្រហាយភ្នែក និងគ្រាប់បែកផ្សែងដើម្បីបំបែកហ្វូងបាតុករនៅក្នុងរដ្ឋធានី កាលពីថ្ងៃទី១៩ ខែកុម្ភៈ បន្ទាប់ក្រុមបាតុករបាននាំគ្នាតវ៉ានៅតំបន់ទីប្រជុំជនក្នុងទីក្រុង Ottawa អស់រយៈពេលជាង៣សប្ដាហ៍មកហើយដើម្បីប្រឆាំងនឹងវិធានការបង្ការជំងឺកូវីដ១៩៕
កងទ័ពជើងអាកាសសហរដ្ឋអាមេរិករៀបចំគ្រឿងសព្វាវុធយោធា ដែលរួមមានទាំងអាវុធ និងគ្រាប់កាំភ្លើង សម្រាប់ដឹកទៅកាន់ប្រទេសអ៊ុយក្រែន នៅឯមូលដ្ឋានយោធាជើងអាកាស Dover Air Force Base ក្នុងរដ្ឋ Delaware ថ្ងៃទី២៧ ខែមករា ឆ្នាំ២០២២។
យុវជនរាប់ពាន់នាក់នៅឥណ្ឌានាំគ្នាដុតរថភ្លើងទទេមួយគ្រឿងកាលពីថ្ងៃទី២៦ ខែមករា កន្លងទៅនេះ ដើម្បីតវ៉ានឹងអ្វីដែលពួកគេហៅថាជាភាពអយុត្តិធម៌នៅក្នុងក្រសួងអយស្ម័យយាន។
ប្រជាពលរដ្ឋស៊ីរី បានសង់មនុស្សព្រិល ហើយបានគប់ដុំព្រិលដាក់គ្នាលេង បន្ទាប់ពីព្យុះព្រិលដ៏កម្របានបោកបក់ទៅលើទីក្រុងដាម៉ាស កាលពីថ្ងៃព្រហស្បតិ៍ ទី២០ ខែមករា ឆ្នាំ២០២២។ នេះ បើតាមវីដេអូដែលត្រូវបានបង្ហោះតាមបណ្តាញសង្គម។
ការបាក់ដី បានបំផ្លាញភូមិគ្រឹះមួយខ្នង ដែលបានសង់ឡើងនៅសតវត្សរ៍ទី១៨ និងឃ្លាំងផងដែរ នៅក្រុង Ouro Preto ក្នុងរដ្ឋភាគកណ្តាល Minas Gerais។
ព័ត៌មានផ្សេងទៀត
