សង្គ្រាមនៅប្រទេសកម្ពុជា អំពើប្រល័យពូជសាសន៍ និងសន្តិភាពដែលផុយស្រួយ
ទោះបីកិច្ចព្រមព្រៀងសន្តិភាពទីក្រុងប៉ារីសបានត្រូវចុះហត្ថលេខាតាំងពី២៤ឆ្នាំមុនម៉្លេះ ក៏ អ្នកជំនាញខាងការសិក្សាអំពីសន្តិភាពអះអាងថា សន្តិភាពពិតប្រាកដនិងជាវិជ្ជមានឬជាភាសាអង់គ្លេសថា positive peace ដែលជាគោលដៅរបស់កិច្ចព្រមព្រៀងទីក្រុងប៉ារីស មិនទាន់កើតមាននៅកម្ពុជានៅឡើយ។ អ្នកនាង ស៊ីរិ សាវីណា និស្សិតបណ្ឌិតផ្នែកភូមិសាស្ត្រនៃសាកលវិទ្យាល័យ Kent State សហរដ្ឋអាមេរិក និងជានាយិកាសារមន្ទីរនៃការចងចាំរបស់វិទ្យាស្ថានស្លឹករឹត ទើបបានសរសេរអត្ថបទទស្សនៈផ្ទាល់ខ្លួនមួយអំពីកេរដំណែលសង្គ្រាមនៅកម្ពុជា ដោយអ្នកនាងថា ការកសាងសន្តិភាពពិតប្រាកដនៅកម្ពុជាទាមទាររយៈពេលច្រើនជំនាន់និងការដោះស្រាយបញ្ហាអយុត្តិធម៌សង្គម។ សូមប្រិយមិត្តស្តាប់បទសម្ភាសន៍រវាងលោក សឹង សុផាត នៃ VOA ជាមួយអ្នកនាង ស៊ីរិ សាវីណា អំពីខ្លឹមសារសំខាន់ៗនៃអត្ថបទនេះ។
នៅក្នុងខ្សែភាពយន្តឯកសារ ដែលមានចំណងជើងថា «ឫសគល់នៃដួងព្រលឹងខ្មែរកំពុងត្រូវគាស់រំលើង» អ្នកសរសេរអត្ថបទពណ៌នាឲ្យ VOA គឺផលិតការិនី ម៉ម កល្យាណនី ដែលជាជនជាតិខ្មែរសញ្ជាតិអាមេរិក នឹងបង្ហាញខ្សែវីដេអូឯកសារចំនួន៦ រួមទាំងសំណេរអត្ថាធិប្បាយក្នុងរយៈពេល១ឆ្នាំ។
ខ្សែវីដេអូទី១«ឫសគល់នៃដួងព្រលឹងយើង» នៃខ្សែភាពយន្តឯកសារដែលមានប្រាំមួយវគ្គរបស់អ្នកនាង ម៉ម កល្យាណី ដែលមានចំណងជើងថា «ឫសគល់នៃដួងព្រលឹងខ្មែរកំពុងត្រូវគាស់រំលើង» ឬ "Cambodia UPROOTED" បង្ហាញពីពិធីបុណ្យប្រពៃណីដ៏ពិសេសមួយនៅតំបន់ជ្រលងភ្នំអារ៉ែង។
លោក ឆាំង យុ នាយកមជ្ឈមណ្ឌលឯកសារកម្ពុជាបានបោះពុម្ពសំណេរមួយក្នុងឱកាសទិវានៃការចងចាំជាអន្តរជាតិស្តីពីការសម្លាប់រង្គាលនៅអឺរ៉ុប (Holocaust)។
ដើម្បីរំឭកទិវាសិទ្ធិមនុស្សអន្តរជាតិនេះ និងយុទ្ធនាការបាតុកម្មរួមគ្នាមួយនេះ នាងខ្ញុំសូមគោរពចំពោះយុទ្ធនារីជនជាតិភាគតិចនៅតំបន់ជ្រលងជាយអារ៉ែង ដែលបានប្រឆាំងតវ៉ា ដើម្បីការពារដីធ្លីរបស់ពួកគេ ពីគម្រោងសាងសង់ទំនប់វារីអគ្គិសនីដ៏ចម្រូងចម្រាសមួយ។
ផលិតករភាពយន្តដែលទទួលរង្វាន់ គឺ កញ្ញា ម៉ម កល្យាណនី បានផ្ញើសំណេរមួយមកកាន់វីអូអេ នៅក្រោយការសម្លាប់អ្នកកាសែត លោក តាំង ទ្រី។
No media source currently available
