កញ្ញា ហ៊ាន សុជាតា គឺជាអ្នករាយការណ៍ព័ត៌មានឲ្យវីអូអេប្រចាំរាជធានីភ្នំពេញនៃប្រទេសកម្ពុជា។ សេចក្តីរាយការណ៍របស់កញ្ញា សុជាតា ផ្តោតលើបញ្ហាសង្គម នយោបាយ បរិស្ថាន អប់រំ យុវជននិងស្ត្រី។
ជាងពាក់កណ្តាលសតវត្សមកនេះ ក្រុមជនជាតិដើមភាគតិចកាវ៉ែត នៅតាមមាត់ទន្លេសេកុង ក្នុងឃុំសន្តិភាព នៃស្រុកសៀមប៉ាង ខេត្តស្ទឹងត្រែង រស់នៅដោយព្យាយាមទប់ទល់និងសម្របខ្លួនតាមការផ្លាស់ប្តូរជាច្រើន ទាំងបរិស្ថានរស់នៅ វប្បធម៌ថ្មី និងការប្រែប្រួលអាកាសធាតុ។
វិចិត្រករខ្មែរ លោក ម៉ន ជា កំពុងតែមានអ្វីពិសេសនៅក្នុងពិភពសិល្បៈ ដែលនោះគឺជាការតាំងពិព័រណ៍ស្នាដៃសិល្បៈរបស់លោកនៅក្នុងរាជធានីភ្នំពេញ និងនៅក្នុងទីក្រុងរបស់សហរដ្ឋអាមេរិកចំនួនពីរគឺទីក្រុង Seattle រដ្ឋវ៉ាស៊ីនតោន និងទីក្រុង Denver រដ្ឋ Colorado។ លោក Scott Stearns នៃ VOA ភាសាអង់គ្លេស រាយការណ៍លម្អិតអំពីរឿងនេះពីរដ្ឋ Colorado រួមគ្នាជាមួយនឹងអ្នកនាង ខាន់ សុគុំមនោ និងកញ្ញា ហ៊ាន សុជាតា នៃវីអូអេខ្មែរ ពីប្រទេសកម្ពុជា។ អ្នកស្រី ហុង ចិន្ដា ជូនសេចក្ដីប្រែសម្រួល៕
ដើម្បីអាចឲ្យបេក្ខជនជាស្ត្រី ក្លាយជាបេក្ខជនសម្រាប់ការបោះឆ្នោត ដើម្បីទទួលបានតួនាទីនិងតំណែងជាអ្នកដឹកនាំទាំងថ្នាក់មូលដ្ឋាន ទាមទារឲ្យបេក្ខជនជាស្ត្រី មានបទពិសោធន៍ប្រឡូកក្នុងសង្គមនិងនយោបាយ មានប្រជាប្រិយភាពក្នុងចំណោមមន្ត្រីបក្សផ្សេងទៀត ព្រមទាំងមានការគាំទ្រពីពលរដ្ឋក្នុងសហគមន៍ និងក្រុមគ្រួសារផងដែរ។
កាលពី ១០ ឆ្នាំមុន យុវជន ម៉ន ជា ជាកម្មករសំណង់ បានជួបឧប្បទ្ទវហេតុនៅការដ្ឋាន ខណៈពេលកំពុងធ្វើការងារ ដែលបណ្តាល ឲ្យដៃទាំងទ្វេរបស់លោកពិការ។ លោកស្ទើរតែមិនអាចតស៊ូរក្សាជីវិតរបស់លោកបាន។ កាលនោះ លោកមានវ័យ ២០ ឆ្នាំគត់។ ប៉ុន្តែបច្ចុប្បន្ន អ្នកខេត្តកំពតរូបនេះ បានត្រាច់ចរស្ទើរគ្រប់ទីក្រុង នៅក្នុងប្រទេស ក្នុងនាមជាសិល្បករឆ្នើមមួយរូប។ លោក ម៉ន ជា ជាវិចិត្រករកម្រម្នាក់ ដែលចេះឆ្លាក់និងផ្តានរូបបង្កើតបានជាផ្ទាំងគំនូរមួយបែប ដែលជាភាសាអង់គ្លេសហៅថា ប្លុកព្រីន។ ឥឡូវនេះ លោក ម៉ន ជា ធ្វើការជាមួយស្ថាប័ន Open Studio Cambodia ដែលបង្កើតឡើងដោយអ្នកនាង Lauren Iida សិល្បករកូនកាត់ជប៉ុន-អាមេរិក នៅឆ្នាំ ២០១៨។ ស្នាដៃរបស់លោកកំពុងត្រូវបានដាក់បង្ហាញនៅទីក្រុងនានានៅសហរដ្ឋអាមេរិកក្នុងឆ្នាំ ២០២២។ កញ្ញា ហ៊ាន សុជាតា និងអ្នកនាង ខាន់ សុគុំមនោ រាយការណ៍ឲ្យវីអូអេ ពីរាជធានីភ្នំពេញ និងខេត្តសៀមរាប៕
ផ្លូវជីវិតរបស់លោក ម៉ន ជា រដាក់រដុបរហូតដល់ថ្ងៃមួយដែលលោកពិការដោយសារឧប្បទ្ទវហេតុការងារ។ ក៏ប៉ុន្តែការណ៍នោះមិនបានបញ្ចប់ដំណើរជីវិតលោកទេ ផ្ទុយទៅវិញ វាធ្វើឲ្យលោករកឃើញជីវិតក្នុងវិថីសិល្បៈ និងក្លាយជាសិល្បករកម្រនៅកម្ពុជាដែលបង្កើតគំនូរប្លុកព្រីន។
កិច្ចប្រជុំចង្អៀតរដ្ឋមន្ត្រីការបរទេសអាស៊ានបានធ្វើឡើងនៅរាជធានីភ្នំពេញ កាលពីថ្ងៃពុធនិងថ្ងៃព្រហស្បតិ៍ ហើយវិបត្តិក្រោយរដ្ឋប្រហារនៅប្រទេសភូមាបានគ្របដណ្ដប់របៀបវារៈសំខាន់នៃកិច្ចពិភាក្សារវាងប្រមុខការទូតតំបន់អាស៊ីអគ្នេយ៍មួយនេះ។
ប្រមុខការទូតកម្ពុជាថ្លែងដូច្នេះក្នុងសន្និសីទកាសែតមួយក្រោយបិទបញ្ចប់កិច្ចប្រជុំចង្អៀតរដ្ឋមន្ត្រីការបរទេសអាស៊ានក្នុងរាជធានីភ្នំពេញ កាលពីរសៀលថ្ងៃព្រហស្បតិ៍។
ប្រមុខការទូតកម្ពុជា ឡាវ ឥណ្ឌូណេស៊ី ម៉ាឡេស៊ី ហ្វីលីពីន សិង្ហបុរី ដែលមានវត្តមានផ្ទាល់ និងប្រមុខការទូតព្រុយណេ ថៃ និងវៀតណាម ដែលមានវត្តមានតាមអនឡាញ កំពុងចូលរួមក្នុងកិច្ចប្រជុំចង្អៀតរដ្ឋមន្ត្រីការបរទេសអាស៊ានដែលធ្វើឡើងនៅខណ្ឌចម្ការមនរាជធានីភ្នំពេញ។ មុនកិច្ចប្រជុំលោក ប្រាក់ សុខុន សម្ដែងការសោកស្ដាយដែលរដ្ឋមន្ត្រីអាស៊ាន១០ប្រទេសនៅមិនជុំគ្នា ខ្វះប្រទេសភូមា តែលោកស្នើឱ្យរដ្ឋសមាជិកសម្ដែងឆន្ទៈនិងកាយវិការស្រុះស្រួលយោគយល់ ដើម្បីដោះស្រាយបញ្ហាខ្វែងគំនិតគ្នានៅក្នុងចង្កោមអង្គការថ្នាក់តំបន់មួយនេះ៕
លោករដ្ឋមន្ត្រីការបរទេសវៀតណាម Bui Thanh Son បានតេស្ដវិជ្ជមានកូវីដ១៩ នៅរសៀលថ្ងៃពុធ ពេលមកដល់អាកាសយានដ្ឋានអន្តរជាតិភ្នំពេញ ដើម្បីត្រៀមចូលរួមកិច្ចប្រជុំចង្អៀតរដ្ឋមន្ត្រីការបរទេសអាស៊ានដែលកម្ពុជាធ្វើជាប្រធានដឹកនាំនៅសប្ដាហ៍នេះ។
នៅយប់មុនកិច្ចប្រជុំចង្អៀតរដ្ឋមន្ត្រីការបរទេសអាស៊ាននៅថ្ងៃព្រហស្បតិ៍ លោក ប្រាក់ សុខុន រដ្ឋមន្ត្រីការបរទេសកម្ពុជា បានអំពាវនាវឱ្យអង្គការថ្នាក់តំបន់មួយនេះរួបរួមឯកភាពគ្នានៅចំពេលមានការខ្វែងគំនិតគ្នាមួយចំនួន រួមទាំងបញ្ហាអភិក្រមតំបន់ដើម្បីឆ្លើយតបនឹងវិបត្ត
លោក ប្រាក់ សុខុន ថ្លែងថា៖ «អ្វីដែលខ្ញុំសោកស្ដាយបំផុតនោះគឺថា កាលៈទេសៈបច្ចុប្បន្នមិនបានអនុញ្ញាតឱ្យរដ្ឋមន្ត្រីទាំង១០[ប្រទេស]អាចអង្គុយជុំគ្នា និងពួតដៃគ្នាក្នុងការដោះស្រាយរាល់បញ្ហាប្រឈមដែលកើតឡើងចំពោះសហគមន៍របស់យើង»។
កិច្ចប្រជុំចង្អៀតនៃប្រមុខការទូតអាស៊ានបានចាប់ផ្ដើមហើយនៅ រាជធានីភ្នំពេញ ជាមួយនឹងការប្រជុំនៃឧត្ដមមន្ត្រី ឬមន្ត្រីបច្ចេកទេសជាន់ខ្ពស់នៃបណ្ដារដ្ឋជាសមាជិក។
កិច្ចប្រជុំចង្អៀតនៃប្រមុខការទូតអាស៊ានបានចាប់ផ្ដើមហើយនៅ រាជធានីភ្នំពេញ ជាមួយនឹងការប្រជុំនៃឧត្ដមមន្ត្រី ឬមន្ត្រីបច្ចេកទេសជាន់ខ្ពស់នៃបណ្ដារដ្ឋជាសមាជិក។ របបសឹកភូមាបានបដិសេធការចូលរួម ក្រោយអាស៊ានអនុញ្ញាតឱ្យខ្លួនចូលរួមត្រឹមកម្រិតមន្ត្រីបច្ចេកទេសមិនមែននយោបាយ។ តែយ៉ាងណា មន្ត្រីការទូតកម្រិតបច្ចេកទេសភូមានៃក្រសួងការបរទេសដែលគ្រប់គ្រងដោយរបបសឹក បានត្រូវគេដឹងថាបានចូលរួមកិច្ចប្រជុំឧត្ដមមន្ត្រីកាលពីព្រឹកថ្ងៃពុធដែរ តាមរយៈប្រព័ន្ធវីដេអូ។ ក្នុងកិច្ចប្រជុំចង្អៀតនេះ លោក ប្រាក់ សុខុន រដ្ឋមន្ត្រីការបរទេសកម្ពុជានឹងថ្លែងអំពីរបៀបវារៈគន្លឹះៗនិងគម្រោងសមិទ្ធផលដែលទីក្រុងភ្នំពេញប្រាថ្នាសម្រេចឱ្យបានក្នុងនាមជាប្រធានអង្គការថ្នាក់តំបន់ដ៏សំខាន់មួយនេះ៕
កាលពីថ្ងៃសុក្រ ទី០៤ ខែកុម្ភៈ លោក ម៉ន ជា ដែលជាវិចិត្រករ (block printed pictures)បានសម្ពោធការដាក់តាំងបង្ហាញស្នាដៃរបស់ខ្លួននៅ Shop House Studioក្នុងរាជធានីភ្នំពេញ។
នៅព្រឹកថ្ងៃទី១៩ ខែមករា ឆ្នាំ២០២២នេះ លោក កឹម សុខា បានចូលរួមសវនាការក្រោយពន្យារ ពេលអស់រយៈពេលជិតពីរឆ្នាំ ក្រោមហេតុផលថា បារម្ភអំពីការរីករាលដាលជំងឺកូវីដ១៩។ ការបន្តសវនាការជាថ្មីនេះ ធ្វើឡើងស្របពេលដែលបរិយាកាសនយោបាយរបស់បក្សជំទាស់មានភាពចម្រូងចម្រាស។
នៅមាត់ទន្លេសេកុងក្នុងភូមិអូរចាយនៃស្រុកសៀមប៉ាងខេត្តស្ទឹងត្រែងគេឭសំឡេងក្មេងៗជនជាតិដើមភាគតិចកាវ៉ែតលេងល្បែងប្រជាប្រិយនិងច្រៀងលេងពេលសម្រាកពីការសិក្សានៅពេលរសៀល។ ស្តាប់មួយភ្លែតអាចគិតថាចម្រៀងនេះជាភាសាកាវ៉ែតក៏ប៉ុន្តែក្មេងៗទាំងនោះប្រាប់ថាពួកគេច្រៀងជាភាស
ព្រះសពរបស់ព្រះអង្គម្ចាស់ នរោត្តម រណឫទ្ធិ អតីតសហនាយករដ្ឋមន្ត្រីរបស់ប្រទេសកម្ពុជាត្រូវបានបូជា នៅថ្ងៃពុធនេះ នាវាលព្រះមេរុ នៅខាងមុខវត្តបទុមវតី ដោយមានព្រះរាជវត្តមានព្រះមហាក្សត្រព្រះបាទសម្តេចព្រះបរមនាថ នរោត្តម សីហមុនី និងព្រះមាតាព្រះអង្គគឺសម្តេចព្រះមហាក្សត្រី នរោត្តម មុនីនាថ សីហន
នៅព្រឹកថ្ងៃពុធ សប្តាហ៍នេះ ព្រះសពរបស់សម្តេចក្រុមព្រះ នរោត្តម រណឫទ្ធិ ដែលជាអតីតនាយករដ្ឋមន្ត្រីកម្ពុជា ត្រូវបានបូជា នៅវាលព្រះមេរុ មុខវត្តបុទមវតី បន្ទាប់ពីមានការរៀបចំពិធីគោរពព្រះវិញ្ញាណក្ខន្ធ និងពិធីបុណ្យតាមបែបសាសនា។
ព័ត៌មានផ្សេងទៀត
