WASHINGTON D.C —
Dukannin manyan hukumomin leken asirin Amurka sun hakikance cewa hukumomi a Moscow sun yi katsalandan a zaben, kuma batun ke kan gaba a binciken da ake gudanarwa da ya shafi jami’an Rasha da kuma ma’aikatan ofishin yakin neman zaben Trump
Wakilan majalisar dokokin Amurka daga jam'iyun duka biyu, da kuma jami’an leken asirin Amurka sun kushewa kalaman Trump tun kafin ya kama hanyar komowa gida.
A halin da ake ciki kuma, kasashen Turai sun nuna kaduwa ganin yadda shugaban Amurka Donald Trump yake da sha’awar kulla dangantaka da Rasha da takwaran aikinsa Vladimir Putin, da suka hakikanta cewa, zai zama barazana ga harkokin tsaro.
Facebook Forum