Omunye njalo obekulo umkhosi nguNkosazana Khethi Maphosa weBhalagwe, owabhujelwa nguyise uMnu. Mlaga Maphosa abamthatha abesuku njalo kaphendukanga, loNkosazana Sinikiwe Ncube othi abakwazi ukuthi amathambo kayise uMnu. Samson Ncube angaphi.
Uhulumende useqinise ilockdown edolobheni leKwekwe okwamaviki amabili kusukela ngoLwesihlanu ntambama ngendlela yokwenqabela ukumemetheka kweCOVID 19 kulandela ukutholakala kwegcikwane lomkhakha omutsha weCoronavirus, owe B.1.617 ovela eIndia.
IZimbabwe ibe ngenye yamazwe alitshumi lanhlanu agoqela eleNorth Korea, iRussia, China, Eritrea, Syria lamanye ale ukwamukela leziziqondiso.
Umgcinisihlalo wekhomidi ebona ngezempilakahle kukhansili yakoBulawayo uNkosikazi Sinikiwe Mutanda uthi kuyadanisa ukuthi inani labantu asebehlatshwe ijekiseni yokwenqabela iCOVID 19 liphansi kulelidolobho.
Ilanga leInternational Nurses Day, kalizange linanzwe ngomnyaka ophelileyo kulandela ukuqhamuka lokubhaha komkhulane weCovid-19 emhlabeni jikelele. Lalonyaka abongi bananze ilanga leli besezibhedlela zabo ezitshiyeneyo, kungabuthanwa ngenxa yesimo esikhona seCovid-19.
UNkosikazi Terresia Nyathi umabhalane wogatsha oluphathelane lezimota ezithwala abantu kunhlanganiso yeBulawayo Progressive Residents Association uthi sebekhuthaza lamalunga edale lephalamende ukuthi akhulume ngaloluhlupho, ngoba lungeyinye yembangela ememethekisa i-COVID 19.
Iziphathamandla zogatsha lukahulumende olubona ngezemfundo bezithe gwaqa ePockets Hill eHarare emsakazweni weZBC, lapho ezichasise ukuqakatheka kwaloluhlelo.
Ukubhubha kweNdlovukazi kutshiye abanengi bemangele njengoba ubesanda kufakwa esikhundleni senkosi ebambele inkosi ezakhethwa kulandela ukutshona kweNkosi yaKwaZulu uGoodwill Zwelithini.
UNkosazana Nomthandazo Nkomazana, osehlale eMumbai okwesikhathi eside lapho athengisa impahla etshiyeneyo, uthi kulabantu ababhubha bezihambela emigwaqweni kwezinye indawo zelizwe abacina betshiswa kanye kanye. Abantu bayatshiswa bengabhubha elizweni leli.
Ukuthakazelela usuku lolu lonyaka, inkokheli zenhlanganiso ezimela intathelizindaba zibuthene edolobheni le Windhoek kwele Namibia zinanza iminyaka engamatshumi amathathu selokhe kwalotshwa ugwalo lwesivumelwano se Windhoek Declaration.
UNkomazana uthi ele India ngelinye lamazwe ayesephumelele kumpi yokulwisana laleligcikwane kodwa ngokuya kwesikhathi abantu bayekethisa imigoqo yokwenqablela leligcikwane.
Lanxa sekudlule inyanga selokhu izikolo zavulwa inengi labafundi lihamba esikolo ukuyazikwejisela nje ngoba ababalisi bethethe inyathelo lokungafundisi kuze kwengezwe iholo labo abathi liphansi kakhulu okubangela lokuthi behluleke ukugada besiya ezikolo.
Ukwengezelela
