Uluhlu olwethulwe ebulenjini lukhomba ukuthi sebeqhube loluhlelo eKadoma, Masvingo, Nyika Growth Point, Mutare, Marondera, Harare, Magune, Membudziya, Bulawyo, Plumtree, leNkayi.
UNkosikazi Bona Mutsahumi Mugabe, Bellarmine Chatunga Mugabe, kanye lo Tinotenda Robert Mugabe bathi induna yaphazamisa ngokuthi amathambo kamuyi agejwe ayengcwatshwa lapho engelamandla okwenza izinqumo khona.
Uhulumende usanda kubika ukuthi ele Zimbabwe lenelise inani labantu abedlula isigidi, asebehlatshwe ijekiseni yeCovid-19 okuyinto ejabulisayo emizameni yokulwisana lobhubhane lolu. Kodwa lanxa sekuhlatshwe abantu bonke laba sekuqhamuke udubo lokusilela kwejekiseni le, ikakhulu abahlatshwa elesibili.
Abakhokheli bamazwe akumanyana we Southern African Development Community (SADC) bahlangene namuhla eMaputo eMozambique lapho abakade becubungula impumela yokudingisisa kwabo ngamalwecatsha kulelolizwe.
UMnu. Nqobani Sithole, igqwetha lakuqala ukuphikisa umthetho weConstitutional Amendment Bill Number 2 emthethwandaba ungakasayinwa, uthi uvumelana labamangalele umholi wabehluli uMnu. Luke Malaba owetheswa icala elokubuyela emsebenzini lanxa wenqatshelwa ukwenzenjalo ngumthethwandaba.
Omunye njalo obekulo umkhosi nguNkosazana Khethi Maphosa weBhalagwe, owabhujelwa nguyise uMnu. Mlaga Maphosa abamthatha abesuku njalo kaphendukanga, loNkosazana Sinikiwe Ncube othi abakwazi ukuthi amathambo kayise uMnu. Samson Ncube angaphi.
Uhulumende useqinise ilockdown edolobheni leKwekwe okwamaviki amabili kusukela ngoLwesihlanu ntambama ngendlela yokwenqabela ukumemetheka kweCOVID 19 kulandela ukutholakala kwegcikwane lomkhakha omutsha weCoronavirus, owe B.1.617 ovela eIndia.
IZimbabwe ibe ngenye yamazwe alitshumi lanhlanu agoqela eleNorth Korea, iRussia, China, Eritrea, Syria lamanye ale ukwamukela leziziqondiso.
Umgcinisihlalo wekhomidi ebona ngezempilakahle kukhansili yakoBulawayo uNkosikazi Sinikiwe Mutanda uthi kuyadanisa ukuthi inani labantu asebehlatshwe ijekiseni yokwenqabela iCOVID 19 liphansi kulelidolobho.
Ilanga leInternational Nurses Day, kalizange linanzwe ngomnyaka ophelileyo kulandela ukuqhamuka lokubhaha komkhulane weCovid-19 emhlabeni jikelele. Lalonyaka abongi bananze ilanga leli besezibhedlela zabo ezitshiyeneyo, kungabuthanwa ngenxa yesimo esikhona seCovid-19.
UNkosikazi Terresia Nyathi umabhalane wogatsha oluphathelane lezimota ezithwala abantu kunhlanganiso yeBulawayo Progressive Residents Association uthi sebekhuthaza lamalunga edale lephalamende ukuthi akhulume ngaloluhlupho, ngoba lungeyinye yembangela ememethekisa i-COVID 19.
Iziphathamandla zogatsha lukahulumende olubona ngezemfundo bezithe gwaqa ePockets Hill eHarare emsakazweni weZBC, lapho ezichasise ukuqakatheka kwaloluhlelo.
Ukwengezelela
