Inhlanganiso elawula umdlalo wenguqu emhlabeni jikelele eye Federation of International Football Association (FIFA) imise ilizwe le Zimbabwe ukuphatheka kunhlelo zayo ngenyanga kaNhlolanja isethesa uhulumende weZimbabwe icala elokungenela ekuqhutshweni komdlalo wenguqu.
UMpofu ubikwa exotshwe ndawonye lomsekeli wakhe uBekithemba Ndlovu kanye lokhangela abadlali uVezigama Dlodlo kuthi osanda kuqhatshwa ukuba ngomunye wabaqeqetshi beqembu uJoel Luphahla nguye ozabe eziphethe esidukwini kusadingwa umqeqetshi omutsha.
Umbiko olotshwe yisiphathamandla senhlanganiso yePremier Soccer League, uKennedy Ndebele uthi imidlalo yonke isimisiwe ngemva kokuba sekusiba yinhlalayenza ukuba lodlakela enkundleni zomdlalo wenguqu.
Iqembu le Highlanders lizangena kumdlalo wangeSonto leqembu le Bulawayo Chiefs lihlezi endaweni yetshumi lambili engalaneni yemiklomelo njalo umqeqetshi walo uMpofu uveze ukukhathazeka kakhulu ngalesisimo.
Iqembu le Dynamos lilemiklomelo engamatshumi amabili lathoba munwe munye ngemva kokunqoba elikwenze ele Whawha nge 2 ka 1 ngoMgqibelo.
"Kukhona njalo abadlali ababili abathi uNqobizitha Masuku kanye lo Stanley Ngala abangezwa kuhle ngemva kokuhotsha intuthu ehitshayo eZvishavane. Ngilethemba kodwa ukuba nxa kwehlule ukuba babekhona labo abazathatha indawo zabo bazenelisa ukuba bethuthukise iqembu liyephambili,” kutsho uMpofu.
Umdlalo wenguqu lo awusafikanga emaphethelweni ngemva kokuba kube lobudlwangudlwangu kodwa inengi labasekeli beqembu le Highlanders bathi leso simo besingavikeleka.
Iqembu le Bulawayo City yilo elijeke amanye wonke engalaneni yemiklomelo lilemiklomelo eyisithupha ngemva kokudlala imidlalo elitshumi lanye kodwa uNcube uthi lesisimo silakho ukuguquka ngokuhamba kwesikhathi.
Ukwengezelela
