Amankampani alikhulu lamatshumi amane-140, abikwa asebhalisile isifiso sokuphatheka kumbukiso walonyaka oweMine Entra 2022.
lkhansili yakoBulawayo ibika ukuba idamu leUmzingwane selisele lamanzi amalutshwana okokuthi kungaqalwa uhlelo lokuvalelwa kwabantu amanzi okwamahola angamatshumi amabili lane ngeviki ukuze akhona abelwe ngokulingeneyo emizini yonke yaleli dolobho.
Uhulumende uthi limali ilakho ukuncedisa ilizwe ukulondoloza iNdlovu eziselizweni ezilokhe zisanda kodwa zingaletheli ilizwe inzuzo. Uthi njalo ukwanda kwazo sokudala umonakalo omkhulu kwezemvelo kanye lokuba yingozi ebantwini.
Lokhu kuphume emhlanganweni, wabosomabhizimusi besifazana oqoqwe ngabekomiti yedale lephalamende eye Zimbabwe Portfolio Committee on Women Affairs, Community, Small and Medium Entreprises Development, koBulawayo
Abohlangothi lwezempilakahle kukhansili yakoBulawayo bathi inani labantwana abahlatshwa ijekiseni le liphansi kakhulu ngoba abazali abaphi abafundi imvumo yokuhlatshwa esikolo.
Umsekeli kaMphathintambo wezokwethulwa kwemibiko uMnu Kindness Paradza utshele umkhosi weWPFD, ukuba baphakathi kokuguqula umthetho ozakwenza ukuba osomabhizimusi bakwamanye amazwe benelise ukuzotshala imali kumankampani emisakazo eZimbabwe, ngesilinganiso sokungamatshumi amane ekhulwini-40%.
Emkhosini lo, owenzelwe koBulawayo intathelizindaba ziveze inkinga ezibhekane lazo zokungatholi inkululeko epheleleyo ukuqhuba umsebenzi wazo kanye lodubo osoludalwa zindaba eziphuma enkundleni ezehlukeneyo zebulenjini lokuncipha kwamathuba emisebenzi ngezindaba eziphuma ebulenjini idigitization.
Umbukiso walonyaka ogijima ngendikimba ethi “Rethink, Reimagine, Reinvent. Value Chains for Economic Development uqale NgolweSibili uyaze uyephelaNgoMgqibelo, mhlaka 30 Mabasa.
Kuyaphithizela kuluthuli koBulawayo ngaphambilini kokuqala kusasa kombukiso wezokuthengiselana owe Zimbabwe International Trade Fair kuze kuyefika iNsonto kulabasomabhizimusi abasuka phetsheya kolwandle, ezwekazi leAfrica lawaphakathi kwelizwe.
AbeZEC abasungule ihlandla lesibili lweBVR, mhlaka10 yonale inyanga kaMabasa bathi lugqitshwa ekupheleni kwenyanga mhlaka 30 Mabasa. Lolu hlelo lwenziwa kulungiselelwa uhlelo lokuhlela kutsha izigaba leziqinti zokuvota oluqale NgoZibandlela lusiyaphela NgoJuly kulungiselwa ukhetho lomnyaka ozayo.
Ukwengezelela
