Bulawayo...............
Umbukiso wabomsebenzi wezokwemba oweMine Entra 2022, uyaqala NgolweSithathu, mhla ka 20 Ntulikazi, koBulawayo njalo amalungiselelo asefike esibngeni esiphezulu.
Umqondisi olawula umbukiso wezokuthengiselana oweZimbabwe lnternational Trade Fair, uMnu. Nicholas Ndebele uyacgasisa.
“Umbukiso uyaqala koBulawayo konke sekuhleliwe. Siqala ngekhomfa yabembi njalo ngelanga elilandelayo uMongameli ED Mnangagwa uyavula lumbukiso okusemthethweni.”
U Ndebele uqhubekele phambili esithi amalungiselelo ombukiso wezokwemba asefike esibangeni esiphezulu.
“Amamkampani alikhulu lamatshumi ayisithupha azabe ebukisa lonyaka njalo sizakuba lethuba lokuyakwethekelela indawo ezehlukeneyo koBulawayo labeze embukisweni walonyaka weMine Entra”
Umbukiso owe Mine Entra umanyanisa abakulumsebennzi labamankampani alungisa imitshina abayisebenzisayo ukwemba kanye lamacebo okusebenza okungela Ngozi, lempahla yokuvikela izisebenzi ukuthi zingalimaleli emsebenzini.
Umongameli Emnerson Mnangagwa ubikwa enguye ozavula okusemthethweni umbukiso walonyaka wezokwemba oweMine Entra koBulawayo, oqala mhlaka 20 Ntulikazi usiyaphela mhlaka 22. Amankampani adlula ikhulu lamatshumi amahlanu-150 asephutshile ukubhalisela ukubukisa lonyaka. Abeza kulumbukiso ngabakulumsebenzi elizweni jikelele kanye labavela kwamanye amazwe agoqela oBhilithani, China leSouth Africablawo asebephutshile ukubhalisela ukubukisa kuMine Entra 2022.
Ingcwethi zezenotho zithi umsebenzi wokwemba lokwethekelelwa kwelizwe ngomunye wemisebenzi osuhamba phambili ekuletheleni ele Zimbabwe imali yakwamanye amazwe kanye lokuphathisa intuthuko yezomnotho, ngenzuzo efika phose isilinganiso esingamatshumi ayisithupha ekhulwini, 60 percent. Uhulumende uthi uyathokoza ngendlela ibhizimusi lezokwemba eliqhuba ngakhona ibhizimusi ezweni.