UMnu. Chris Mhike, igqwetha elimele intathelizindaba uBlessed Mhlanga ovalelwe esitokisi seremand prison, uthi uphanyeke edale leHigh Court ngoLwesihlanu isicelo sokuba uMhlanga akhululwe ngemali yesibambiso, i-bail, ukwenzela ukuba athonisiswe ehlala emzini wakhe eHarare.
UMhike uthi sebemelele ukuzwa ukuba udaba lolu luzathonisiswa nini eHigh Court.
UMhlanga, osebenzela iphephandaba leNewsDay lomabonakude oweHeart and Soul TV, walelwe ngeviki ephelileyo ukubhadala imali yesibambiso.
Wetheswa amacala amabili okwethula imbiko ephehla udlakela kungxoxo azenza lelunga leZanu PF Central Committee, uMnu. Blessed Geza, okhokhela abanye abalwa impi yenkululeko abathi bafuna uMongameli Emmerson Mnangagwa kumele esuke embusweni ngoba wehluleka ukubusa.
UGeza uphikisa njalo ukuba uMnangagwa ahlale embusweni kungafika umnyaka ka2028, okugqitshwa khona umbuso wakhe. KulabafuNa ukuba aqhubeke esembusweni kuze kuyefika u2030.
Ukuncitshwa kukaMhlanga ithuba lokuhlawula isibambiso se-bail ngumthethwandaba kamantshi ngoLwesihlanu ukuze ethonisiswe evela ngekhaya kusolwe zinhlanganiso zentathelizindaba kanye lesigodlo sommeli weMelika eZimbabwe.
Forum