Umantshi Obemele Ehlulele Ukuthi uBlessed Mhlanga Uyakhululwa Na Kumbe Hatshi Kayanga Emthethwandaba

Umthethwandaba ngoLwesine udlulisele phambili isinqumo sawo phezu kwesicelo sentathelizindaba uBlessed Mhlanga esokuthi akhululwe ngemali yesibambiso, i-bail, kulandela ukubotshwa kwakhe ngoMvulo esetheswa amacala okwethula imbiko ephehla udlakela.

Abatshutshisi bathi uMhlanga wephula umthetho weCriminal Law (Codification and Reform) Act kungxoxo azenza lelunga leZanu PF Central Committee uMnu Blessed Geza, yena okhokhela abalwa impi yenkululeko abathi uMongameli Emmerson Mnangagwa kumele asuke embusweni.

Umantshi uFarai Gwatima ubemele ethule isinqumo sakhe ngoLwesine kodwa umantshi obembambele wazise inkantolo ukuthi uGwatima ubeye emfeni, ngakho uzakwahlulela uMhlanga ngoLwesihlanu.

Igqwetha likaMhlanga uMnu Chris Mhike ithi kumele ekhululwe ngoba ebotshelwe ize. Kodwa abatshutshisi bathi kumele eqhubeke evalelwe ngoba ulakho ukuphazamisa abafakazi phambilini kokuthethwa kwecala.

Igqwetha uMnu Pardon Tapfumaneyi utshele iStudio 7 ukuthi ngokubona kwakhe uMhlanga ufela amafufu.

Embed share

Ingxoxo loMnu Pardon Tapfumaneyi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:07 0:00

Lapho esitholakala khona

• 32 kbps | MP3
• 64 kbps | MP3

Ukudlala

Kusenjalo umthethwandaba weHigh Court lawo uhlelise ukuhluzwa kodaba olwakhezwa yintathelizindaba uMlondolozi Ndlovu, yena ofuna iJudicial Service Commission iveze imiklomelo eyatholwa ngabantu abakhethwa ukuba ngabahluleli balinkantolo ngemva kokuvivinywa kwabo phambi komphakathi nyakenye.

UNdlovu waphiwa imvumo yokuthola imininingwne le yiZimbabwe Media Commission, kodwa iJudicial Service Commission iyakuphikisa lokhu.