Inkantolo Yalile Ukukhulula uBlessed Mhlanga, Uzaqhubeka Evalelwe Kuze Kuyefika Mhlaka 14 ngoMbimbitho

Umthethwandaba kamantshi walile ngoLwesihlanu ukukhulula intathelizindaba esebenzela umsakazo weHSTV lephephandaba leNewsDay uBlessed Mhlanga ngemali yesibambiso i-bail, usithi ukukhululwa kwakhe kulakho ukuphazamisa ukuthula kumbe ukuphehla udlakela elizweni.

UMhlanga uzaqhubeka evalelwe kulandela ukubotshwa kwakhe ngoMvulo abesephenduka enkantolo mhlaka 14 ngenyanga ezayo.

Abatshutshisi bathi uMhlanga wephula umthetho ngokwethula imbiko etshotshozela udlakela kungxoxo azenza loMnu Blessed Geza, yena okhokhela abalwa impi yenkululeko abathi uMongameli Emmerson Mnangagwa kumele asuke embusweni.

Ukuncitshwa kukaMhlanga i-bail kusolwe kakhulu zinhlanganiso zentathelizindaba ezifana leyeZimbabwe Union of Journalists, i-ZUJ.

Unobhala jikelele walinhlanganiso uMnu Perfect Hlongwane utshele iStudio 7 ukuthi badangele ngoba uhulumende eqhubeka ngomkhuba wokuncindezela intathelizindaba.

Embed share

Ingxoxo loMnu Perfect Hlongwane

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:34 0:00

Lapho esitholakala khona

• 32 kbps | MP3
• 64 kbps | MP3

Ukudlala

Amazwi kaHlongwane agzizelelwe ngumkhokheli wenhlanganiso yeYoung Journalists Association uMnu Leo Munhende, yena othi intathelizindaba ezinengi sezisesaba ukwenza umsebenzi wazo zikhululekile.

Embed share

Ingxoxo loMnu Leo Munhende

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:34 0:00

Lapho esitholakala khona

• 32 kbps | MP3
• 64 kbps | MP3

Ukudlala

Umnikazi wenkampani yeAlpha Media Holdings, elawula amaphephandaba abalisa eleNewsDay, eleStandard leleIndependent kanye lomsakazi kamabonakude oweHSTV uMnu Trevor Ncube laye usole ukuncitshwa kukaMhlanga i-bail.

Uthe kusobala ukuthi imithethwandaba yenza intando kaMnangagwa.

Kodwa unobhala wogatsha lukahulumende olubona ngokwethulwa kwemibiko uMnu Nick Mangwana utshele iStudio 7 ukuthi uMnu Ncube ukhuluma amanyala.