Ibandla leZanu PF lithi lizajezisa uMnu. Runesu Geza labanye bakhe abafuna ukuba uMongameli Emmerson Mnangagwa esuke embusweni besithi seyehlulekile ukubusa eleZimbabwe.
Isikhulumeli sebandla leli uMnu. Chris Mutsvangwa uthi uGeza, okunhlanganiso yeZimbabwe National Liberation War Veterans’ Association labanye abalwa impi yenkululeko, bakhuluma intando yabo hatshi eyamalunga wonke enhlanganiso le kanye labakubandla leZanu PF.
Uthi abantu laba bazajeziswa ngendlela elandelwa libandla leli, elilamanye amalunga afuna kuguqulwe isisekelo sombuso welizwe ukuze uMnangagwa aqhubeke esembusweni kungagqitshwa umbuso wakhe ngomnyaka ka2028.
Banengi abaphikisa lokhu abathi uMnangagwa sokumele adedele omunye njengalokhu okulawulwa yisisekelo sombuso welizwe. Ukuhlaziya loludaba, sixoxe loMnu. Malaki Nkomo okubandla leZanu PF othi abantu kumele benze abakufisayo ngohulumende wabo.
Kodwa uMnu. Fortune Mlalazi olandela ezombusazwe ezimele uthi akuqedakali ukwenziwa libandla elibusayo.
Forum