ប្រព័ន្ធផ្សព្វផ្សាយរដ្ឋវៀតណាមបាននិយាយនៅថ្ងៃព្រហស្បតិ៍ថា តុលាការវៀតណាមបានកាត់ទោសអ្នកកាសែតឯករាជ្យឈានមុខគេឱ្យជាប់ពន្ធនាគារ រយៈពេល៣០ខែដោយសារការបង្ហោះលើបណ្តាញសង្គមហ្វេសប៊ុកដែលរិះគន់រដ្ឋាភិបាល។
លោក Huy Duc បានធ្វើការឱ្យកាសែតរដ្ឋដ៏មានឥទ្ធិពល មុនពេលលោកនិពន្ធប្លុកនិងគណនីហ្វេសប៊ុកដ៏ពេញនិយមបំផុតមួយរបស់វៀតណាម ជាកន្លែងដែលលោកបានរិះគន់មេដឹកនាំកុម្មុយនីស្តរបស់ប្រទេស ទៅលើបញ្ហាដូចជាអំពើពុករលួយ ការគ្រប់គ្រងប្រព័ន្ធផ្សព្វផ្សាយ និងទំនាក់ទំនងជាមួយប្រទេសចិន។
តុលាការនៅទីក្រុងហាណូយបានកាត់ទោសបុរសអាយុ៦៣ឆ្នាំរូបនេះ ឆ្នាំពីបទ «បំពានសេរីភាពប្រជាធិបតេយ្យ ដើម្បីរំលោភលើផលប្រយោជន៍របស់រដ្ឋ» តាមរយៈការបង្ហោះអត្ថបទចំនួន១៣ នៅលើហ្វេសប៊ុក។ នេះបើយោងតាមទីភ្នាក់ងារសារព័ត៌មានវៀតណាម។ ការកាត់ទោសនេះប្រើពេលតែប៉ុន្មានម៉ោងប៉ុណ្ណោះ។
មិនយូរប៉ុន្មានមុនការចាប់ខ្លួនលោកកាលពីខែមិថុនាឆ្នាំមុន លោក Huy Duc ដែលជាឈ្មោះលោកប្រើក្នុងនាមជាអ្នកកាសែត បានផ្តោតគោលដៅលើមេដឹកនាំដ៏មានឥទ្ធិពលបំផុតរបស់វៀតណាម លោក To Lam ក៏ដូចជាអ្នកកាន់តំណែងមុនលោកគឺលោក Nguyen Phu Trong ។
គេមិនច្បាស់ទេថាតើការចោទប្រកាន់នេះ ទាក់ទងនឹងការបង្ហោះសារណាមួយជាក់លាក់ឬអត់៕
វេទិកាបញ្ចេញមតិ