នាយករដ្ឋមន្ត្រីប្រទេសអ៊ីស្រាអែលលោក Benjamin Netanyahu បានជួបជាមួយលោក Steve Witkoff ប្រេសិតអាមេរិកប្រចាំតំបន់មជ្ឈិមបូព៌ាកាលពីថ្ងៃពុធ។ នេះបើតាមការថ្លែងរបស់លោក Netanyahu ក្នុងសេចក្តីថ្លែងការណ៍មួយ ក្នុងខណៈពេលបទ មានឈប់បាញ់នៅហ្កាហ្សានិងការជំរុញផ្នែកការទូតក្នុងតំបន់។
ប្រព័ន្ធផ្សព្វផ្សាយអ៊ីស្រាអែលបានថ្លែងថា លោក Witkoff ក៏បានធ្វើដំណើរទៅកាន់តំបន់ហ្កាហ្សាកាលពីថ្ងៃពុធ ដើម្បីពិនិត្យលើការអនុវត្តបទឈប់បាញ់គ្នានៅទីនោះ ដែលប្រធានាធិបតីសហរដ្ឋអាមេរិកលោក Donald Trump សង្ឃឹមថានឹងពង្រីកទៅជាកិច្ចព្រមព្រៀងក្នុងតំបន់ឱ្យកាន់តែទូលំទូលាយដែលអាចរួមបញ្ចូលអារ៉ាប៊ីសាអូឌីត និងអ៊ីស្រាអែល ដើម្បីធ្វើឲ្យមានប្រក្រតីភាពផ្នែកទំនាក់ទំនងការទូត។
មន្ត្រីសហរដ្ឋអាមេរិកបានធ្វើដំណើរទៅកាន់អារ៉ាប៊ីសាអូឌីតកាលពីថ្ងៃអង្គារ។ លោក Netanyahu បានសំឡឹងមើលទំនាក់ទំនងជាមួយអារ៉ាប៊ីសាអូឌីតជាយូរមកហើយ ហើយត្រូវជួបជាមួយលោក Trump នៅរដ្ឋធានីវ៉ាស៊ីនតោននៅថ្ងៃទី៤ ខែកុម្ភៈ នៅពេលការពិភាក្សាអំពីដំណាក់កាលបន្ទាប់នៃបទឈប់បាញ់នៅហ្កាហ្សាដែលមាន៣ដំណាក់កាលត្រូវចាប់ផ្តើមជាផ្លូវការ។
អ្នកនាំពាក្យរដ្ឋាភិបាលអ៊ីស្រាអែលមួយរូបបដិសេធមិនផ្តល់ព័ត៌មានលម្អិតអំពីដំណើរទស្សនកិច្ចទៅកាន់តំបន់ហ្កាហ្សា ដែលបណ្តាញផ្សាយព័ត៌មានសាធារណៈរបស់អ៊ីស្រាអែល Kan ថ្លែងថារួមបញ្ចូលទាំងការត្រួតពិនិត្យច្រករបៀង Netzarim។
ពលរដ្ឋប៉ាឡេស្ទីនរាប់ម៉ឺននាក់ដែលឆ្លងកាត់តាមច្រកដែលកាត់តាមហ្កាហ្សាខាងកើតទៅខាងលិច ខណៈពួកគេវិលត្រឡប់ទៅផ្ទះរបស់ពួកគេនៅផ្នែកខាងជើងតំបន់នោះ៕
ប្រេសិតលោក Trump ជួបជាមួយលោក Netanyahu និងចុះទៅតំបន់ ហ្កាហ្សា
- Reuters
វេទិកាបញ្ចេញមតិ