នៅក្នុងសុន្ទរកថាទៅកាន់សម័យប្រជុំសភារួមកាលពីយប់ថ្ងៃអង្គារ ប្រធានាធិបតី សហរដ្ឋអាមេរិកលោក Donald Trump បានការពារការដាក់ពន្ធគយថ្មីរបស់លោកលើដៃគូពាណិជ្ជកម្មរបស់សហរដ្ឋអាមេរិក ហើយបានសន្យាថានឹងមានច្រើនទៀត។
លោក Trump បាននិយាយនៅក្នុងសុន្ទរកថាដំបូងរបស់លោកទៅកាន់សមាជិក សភាអាមេរិកទាំងពីរថ្នាក់ក្នុងអាណត្តិទីពីររបស់លោកថា «ប្រទេសផ្សេងទៀត បានយកពន្ធ ពីយើងជាច្រើនទសវត្សរ៍មកហើយ ហើយឥឡូវនេះដល់វេនយើងម្តង» ។
អត្ថាធិប្បាយនេះបានធ្វើឡើងបន្ទាប់ពីសហរដ្ឋអាមេរិកបានដាក់ពន្ធគយ ២៥% កាលពីថ្ងៃអង្គារលើការនាំចេញពីដៃគូពាណិជ្ជកម្មធំបំផុតពីររបស់ខ្លួនគឺកាណាដា និងម៉ិកស៊ិក ហើយបានដំឡើងពន្ធទ្វេដងលើការនាំចូលរបស់ចិនដល់២០% ។
ប្រទេសចិនគឺជាដៃគូពាណិជ្ជកម្មលំដាប់ទី៣ របស់សហរដ្ឋអាមេរិក។
ទីផ្សារភាគហ៊ុនរបស់សហរដ្ឋអាមេរិកបានធ្លាក់ចុះគួរឱ្យកត់សម្គាល់ ហើយ ប្រទេសទាំងបីបានគំរាមសងសឹកវិញ ដែលជំរុញឱ្យមានការព្រួយបារម្ភអំពី សង្គ្រាមពាណិជ្ជកម្មកាន់តែទូលំទូលាយ។
លោក Trump ក៏បាននិយាយផងដែរថាសហរដ្ឋអាមេរិកនឹងចាប់ផ្ដើមដាក់ «ពន្ធគយទៅវិញទៅមក» លើដៃគូពាណិជ្ជកម្មទាំងអស់របស់សហរដ្ឋអាមេរិក នៅថ្ងៃទី២ ខែមេសា៕
វេទិកាបញ្ចេញមតិ