ចិនត្រៀមធ្វើការជាមួយក្រុមតាលីបង់ក្នុងប្រទេសអាហ្វហ្គានីស្ថាន តើនឹងមានអ្វីកើតឡើង?
ពេលអាមេរិកដកកងទ័ពចេញពីប្រទេសអាហ្វហ្គានីស្ថាន ប្រទេសចិនបាននិយាយថា ខ្លួនត្រៀមខ្លួនស្ថាបនាទំនាក់ទំនងជាមួយក្រុមតាលីបង់ ប៉ុន្តែក្រុមអ្នកជំនាញខាងនយោបាយការបរទេសលើកឡើងថា រដ្ឋាភិបាលក្រុងប៉េកាំងនៅបារម្ភក្នុងចិត្តនៅឡើយចំពោះអ្វីដែលនឹងកើតមានឡើងបន្ទាប់ទៀត ហើយប្រហែលជាមិនទាន់អាចធ្វើការប្តេជ្ញាចិត្តផ្នែកសេដ្ឋកិច្ច និងសន្តិសុខធំដុំណាមួយចំពោះប្រទេសអាហ្វហ្គានីស្ថាននៅឡើយទេ។
វីដេអូខ្លី៖ ក្រុមតាលីបង់បំបែកហ្វូងបាតុករអាហ្វហ្គានីស្ថានដោយហិង្សា
សាក្សីបាននិយាយថា ក្រុមឧទ្ទាមតាលីបង់បានបាញ់កាំភ្លើងទៅលើអាកាស និងបានវាយប្រជាជនដោយដំបង នៅក្នុងទីក្រុង Jalalabad ជាទីដែលក្រុមបាតុករបានព្យាយាមដកទង់របស់ក្រុមតាលីបង់ចេញ និងជំនួសវាដោយទង់ជាតិអាហ្វហ្គានីស្ថានវិញកាលពីថ្ងៃពុធ។
ហេតុការណ៍នោះបានបង្កឲ្យបាតុករយ៉ាងហោចណាស់ចំនួន ៣ នាក់ស្លាប់ និងមួយចំនួនទៀតរងរបួស នៅពេលដែលក្រុមតាលីបង់បានព្យាយាមបំបែកហ្វូងបាតុករនៅប៉ែកខាងកើតប្រទេសអាហ្វហ្គានីស្ថាននោះ។
ក្រុមតាលីបង់មិនបានផ្ដល់អត្ថាធិប្បាយអ្វីចំពោះបញ្ហានេះនោះទេ៕
អតីតប្រធានាធីបតី Ashraf Ghani ភៀសខ្លួនទៅដល់ប្រទេសអេមីរ៉ាតអារ៉ាប់រួម
អតីតប្រធានាធិបតីអាហ្វហ្គានីស្ថានលោក Ashraf Ghani បានទៅដល់ប្រទេសអេមីរ៉ាតអារ៉ាប់រួមក្រោយពីភៀសខ្លួនពីប្រទេសលោកកាលពីដើមសប្តាហ៍នេះ។ នេះបើតាមការបញ្ជាក់របស់មន្ត្រីអេមីរ៉ាតអារ៉ាប់រួមកាលពីថ្ងៃពុធ ទី១៨ ខែសីហា ឆ្នាំ២០២១។
លោក Ghani បានភៀសខ្លួនពីអាហ្វហ្គានីស្ថានកាលពីថ្ងៃអាទិត្យ នៅមុនពេលក្រុមប្រយុទ្ធតាលីបង់បានចូលកាន់កាប់រដ្ឋធានីកាប៊ុលយ៉ាងរលូនដោយមិនមានកម្លាំងតទល់ប្រឆាំង។ លោក Ghani បានសរសេរលើទំព័រហ្វេសប៊ុករបស់លោកថា «តាលីបង់បានឈ្នះ» ហើយថាលោកសម្រេចចាកចេញពីអាហ្វហ្គានីស្ថានដើម្បីបញ្ចៀស«ការបង្ហូរឈាមដ៏សន្ធឹកសន្ធាប់»។
លោក Joe Biden នឹងទុកកងទ័ពអាមេរិកនៅអាហ្វហ្គានីស្ថានរហូតដល់ជនជាតិអាមេរិកចុងក្រោយបានត្រូវជម្លៀសចេញ
ប្រធានាធិបតីសហរដ្ឋអាមេរិកលោក Joe Biden បាននិយាយកាលពីថ្ងៃពុធថា លោកនឹងទុកកងទ័ពអាមេរិកនៅអាហ្វហ្គានីស្ថានរហូតដល់ជនជាតិអាមេរិកចុងក្រោយបានត្រូវជម្លៀសចេញពីប្រទេសនេះ។លោកបានកំណត់នៅថ្ងៃទី៣១ ខែសីហា ជាថ្ងៃចុងក្រោយ។