វីដេអូខ្លី៖ ក្រុមតាលីបង់បំបែកហ្វូងបាតុករអាហ្វហ្គានីស្ថានដោយហិង្សា
សាក្សីបាននិយាយថា ក្រុមឧទ្ទាមតាលីបង់បានបាញ់កាំភ្លើងទៅលើអាកាស និងបានវាយប្រជាជនដោយដំបង នៅក្នុងទីក្រុង Jalalabad ជាទីដែលក្រុមបាតុករបានព្យាយាមដកទង់របស់ក្រុមតាលីបង់ចេញ និងជំនួសវាដោយទង់ជាតិអាហ្វហ្គានីស្ថានវិញកាលពីថ្ងៃពុធ។ ហេតុការណ៍នោះបានបង្កឲ្យបាតុករយ៉ាងហោចណាស់ចំនួន ៣ នាក់បានស្លាប់ និងមួយចំនួនទៀតរងរបួស នៅពេលដែលក្រុមតាលីបង់បានព្យាយាមបំបែកហ្វូងបាតុករនៅប៉ែកខាងកើតប្រទេសអាហ្វហ្គានីស្ថាននោះ។ ក្រុមតាលីបង់មិនបានផ្ដល់អត្ថាធិប្បាយអ្វីចំពោះបញ្ហានេះនោះទេ៕