ព្រឹទ្ធសភាសហរដ្ឋអាមេរិកបានអនុម័តសេចក្តីព្រាងច្បាប់អំពើហិង្សាដោយកាំភ្លើងរបស់គណបក្សទាំង២កាលពីថ្ងៃព្រហស្បតិ៍។ ការណ៍នេះហាក់ដូចជាមិនបានគិតស្មានដល់កាលពី១ខែមុនថានឹងទទួលបានការអនុម័តចុងក្រោយនូវអ្វីដែលនឹងក្លាយជាការឆ្លើយតបដ៏ខ្លាំងបំផុតរបស់សភាក្នុងរយៈពេលប៉ុន្មានទសវត្សរ៍នេះដល់ការបាញ់ប្រហារដ៏ប្រល័យបំផុតនៅក្នុងប្រទេស។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មាន AP។
បន្ទាប់ពីការខំប្រឹងប្រែងឥតប្រយោជន៍អស់ជាច្រើនឆ្នាំរបស់គណបក្សប្រជាធិបតេយ្យដើម្បីទប់ស្កាត់កាំភ្លើងដៃ ពួកគណបក្សសាធារណរដ្ឋចំនួន១៥នាក់បានចូលរួមជាមួយពួកគណ បក្សប្រជាធិបតេយ្យនៅពេលដែលភាគីទាំង២បានសម្រេចថា ការមិនចាត់វិធានការជាការមិនអាចសម្រេចបានបន្ទាប់ពីការបាញ់ប្រហារដូចកម្រោលចូលកាលពីខែមុននៅក្នុងទីក្រុង Baffalo រដ្ឋ New York និងទីក្រុង Uvale រដ្ឋTexas ។ គេបានចំណាយពេលរាប់សប្តាហ៍នៅក្នុងការពិភាក្សាសម្ងាត់ ក៏ប៉ុន្តែ ពួកព្រឹទ្ធសភាបានធ្វើការសម្របសម្រួលគ្នា ក៏ប៉ុន្តែ ចលនាដ៏មានឥទ្ធិពលដើម្បីទប់ស្កាត់ការបង្ហូឈាមដែលបានកើតមានឡើងជាប្រចាំមិនទាន់បានធ្វើឱ្យមានការភ្ញាក់ផ្អើលនៅឡើយទេ។
វិធានការដែលមានទឹកប្រាក់១៣ពាន់លានដុល្លារនឹងធ្វើការឆែកឆេរប្រវត្តិរូបយ៉ាងខ្លាំងចំពោះមនុស្សក្មេងៗដែលទិញកាំភ្លើងដើម្បីកុំឱ្យកាំភ្លើងនេះធ្លាក់ចូលក្នុងដៃពួកអ្នកប្រព្រឹត្តបទ ល្មើសហិង្សាក្នុងប្រទេសនិងជួយបណ្តារដ្ឋឱ្យអនុវត្តច្បាប់ត្រួតត្រាកាំភ្លើងដែលធ្វើឱ្យកាន់តែងាយស្រួលឡើងដល់ពួកអាជ្ញាធរដើម្បីដកអាវុធពីមនុស្សប្រកបដោយគ្រោះថ្នាក់។ វិធានការនោះក៏ផ្តល់ថវិកាដល់កម្មវិធីក្នុងមូលដ្ឋានដើម្បីសុវត្ថិភាពនៅសាលារៀននិងរារាំងអំពើហិង្សា។
លោកប្រធានាធិបតី Joe Biden បានថ្លែងបន្ទាប់ពីការអនុម័តសេចក្តីព្រាងច្បាប់នោះថា «ក្រុមគ្រួសារនៅក្នុងទីក្រុង Uvalde និង Buffaloនិងការបាញ់ប្រហារនៅទីកន្លែងជាច្រើនផ្សេងទៀតកាលពីពេលមុនបានទាមទារឱ្យមានចំណាត់ការ។ ហើយនៅយប់នេះ យើងបានចាត់វិធានការ»។ លោកប្រធានាធិបតីបានមានប្រសាសន៍ទៀតថា រដ្ឋសភាគួរតែបញ្ជូនសេចក្តីព្រាងច្បាប់នេះមកឱ្យលោកនៅពេលឆាប់ៗនេះ។ លោកប្រធានាធិបតីបានបញ្ជាក់ថា «កូនក្មេងនៅតាមសាលារៀននិងសហគមន៍នឹងមានសុវត្ថិភាពកាន់តែខ្លាំងឡើងដោយសារតែច្បាប់នេះ»៕
