រដ្ឋធានីវ៉ាស៊ីនតោន —
កម្មករបានចាប់ផ្តើមលុបគំនូសពាក្យស្លោក «Black Lives Matter» ពណ៌លឿងដ៏ធំនៅលើដងផ្លូវមួយដែលស្ថិតនៅក្បែរសេតវិមានក្នុងរដ្ឋធានីវ៉ាស៊ីនតោន សហរដ្ឋអាមេរិក។
អភិបាលរដ្ឋធានីវ៉ាស៊ីនតោនអ្នកស្រី Muriel Bowser បានប្រកាសអំពីចំណាត់ការនេះកាលពីសប្តាហ៍មុនដើម្បីឆ្លើយតបទៅនឹងសម្ពាធពីសកម្មជនសមាជិកសភាអាមេរិកខាងគណបក្សសាធារណរដ្ឋដែលបានទាមទារបែបនេះ។
គេរំពឹងថាដំណើរការលុបពាក្យស្លោកនេះនឹងបញ្ចប់ក្នុងរយៈពេល ៦ សប្តាហ៍ ហើយពាក្យស្លោកថ្មីនឹងត្រូវលាបជំនួសវិញ ដែលពាក្យស្លោកនោះនៅមិនទាន់កំណត់ដោយរដ្ឋបាលក្រុងនៅឡើយទេ។ នេះបើយោងតាមទីភ្នាក់ងារសារព័ត៌មាន AP៕
វេទិកាបញ្ចេញមតិ