វ៉ាស៊ីនតោន —
មន្ត្រីរដ្ឋាភិបាលកម្ពុជាបានច្រានចោលការចោទប្រកាន់ថា មានខ្មាន់កាំភ្លើងកម្ពុជាត្រូវគេជួលទៅបាញ់សម្លាប់ក្រុមបាតុករក្នុងក្រុងបាងកកប្រទេសថៃ។
ភ្លាមៗក្រោយពីសារព័ត៌មានប្រទេសថៃថ្ងៃនេះបានដកស្រង់សម្តីលោក ស៊ូថេប ទិតសូបាន (Suthep Thaugsuban) មេដឹកនាំបាតុកម្មប្រឆាំងរដ្ឋាភិបាលថៃមកបញ្ជាក់ថា មានការជួលអ្នក បាញ់កាំភ្លើងពីប្រទេសកម្ពុជាដើម្បីសម្លាប់បាតុករម្នាក់ មន្ត្រីរដ្ឋាភិបាលបានខឹងសម្បារនិងការចោទប្រកាន់នោះ ហើយបានចាត់ទុកថា ជាការចោទប្រកាន់មិនត្រឹមត្រូវ។ នេះជាការអះអាងរបស់លោកកុយ គួង អ្នកនាំពាក្យក្រសួងការបរទេសកម្ពុជាដែលបានថ្លែងប្រាប់វីអូអេ។
«ដូច្នេះការលើកឡើងរបស់ស៊ូថេប ទិតសូបាន នេះជាលើកទី២ហើយដែលដាក់ការសង្ស័យ ចោទប្រកាន់មកលើពលរដ្ឋយើង។ ដូច្នេះខ្ញុំសុំធ្វើការបដិសេធដាច់អហង្ការចំពោះសម្តីដ៏ឆ្កួតលីលារបស់លោកស៊ូថេបនេះ»។
ការចោទប្រកាន់ដូច្នេះកើតមានឡើងក្រោយពេលដែលមេដឹកនាំបាតុកម្មម្នាក់គឺលោក ស៊ូទីន ថារ៉ាតស៊ីន (Suthin Tharathin) មេដឹកនាំបាតុករប្រឆាំងនឹងរដ្ឋាភិបាលថៃបានដឹកនាំការតវ៉ាក្នុងការរារាំងការរៀបចំការបោះឆ្នោតមុនអាណតិ្តក្នុងប្រទេសថៃកាល ពីថ្ងៃអាទិត្យ។
សារព័ត៌មានថៃតាមប្រព័ន្ធអ៊ីនធ័តណេតមួយឈ្មោះ MCOT Online News បានរាយការណ៍តាមពាក្យរបស់លោកស៊ូថេប អគ្គលេខាធិការគណៈកម្មការកែទម្រង់ប្រជាធិបតេយ្យពលរដ្ឋ (PDRC) ពេលដែលលោកថ្លែងទៅកាន់ក្រុមបាតុករក្នុងតំបន់ប៉ាទុំវណ្ណ រាជធានីបាងកកថា លោកសង្ស័យថា ខ្មាន់កាំភ្លើងអាចត្រូវគេជួលមកពីប្រទេសកម្ពុជា ពីក្រុមពិសេសសម្រាប់ធ្វើសង្គ្រាម។
លោកកុយ គួងបានបន្តថា ការចោទប្រកាន់លើកដំបូងមកលើពលរដ្ឋកម្ពុជាបានកើតឡើងកាលពីថ្ងៃទី២២ ខែមករា តែក្រសួងការបរទេសកម្ពុជាបានបដិសេធរួចហើយដែរ ហើយលោកថ្លែងថាស្ថានទូតកម្ពុជានិងស្ថានកុងស៊ុលកម្ពុជាក្នុងប្រទេសថៃបានណែនាំជនជាតិកម្ពុជានិងកម្មករកម្ពុជាក្នុងប្រទេសមិនឲ្យទៅជិតបាតុកម្មថៃនោះទេ៕
ភ្លាមៗក្រោយពីសារព័ត៌មានប្រទេសថៃថ្ងៃនេះបានដកស្រង់សម្តីលោក ស៊ូថេប ទិតសូបាន (Suthep Thaugsuban) មេដឹកនាំបាតុកម្មប្រឆាំងរដ្ឋាភិបាលថៃមកបញ្ជាក់ថា មានការជួលអ្នក បាញ់កាំភ្លើងពីប្រទេសកម្ពុជាដើម្បីសម្លាប់បាតុករម្នាក់ មន្ត្រីរដ្ឋាភិបាលបានខឹងសម្បារនិងការចោទប្រកាន់នោះ ហើយបានចាត់ទុកថា ជាការចោទប្រកាន់មិនត្រឹមត្រូវ។ នេះជាការអះអាងរបស់លោកកុយ គួង អ្នកនាំពាក្យក្រសួងការបរទេសកម្ពុជាដែលបានថ្លែងប្រាប់វីអូអេ។
«ដូច្នេះការលើកឡើងរបស់ស៊ូថេប ទិតសូបាន នេះជាលើកទី២ហើយដែលដាក់ការសង្ស័យ ចោទប្រកាន់មកលើពលរដ្ឋយើង។ ដូច្នេះខ្ញុំសុំធ្វើការបដិសេធដាច់អហង្ការចំពោះសម្តីដ៏ឆ្កួតលីលារបស់លោកស៊ូថេបនេះ»។
ការចោទប្រកាន់ដូច្នេះកើតមានឡើងក្រោយពេលដែលមេដឹកនាំបាតុកម្មម្នាក់គឺលោក ស៊ូទីន ថារ៉ាតស៊ីន (Suthin Tharathin) មេដឹកនាំបាតុករប្រឆាំងនឹងរដ្ឋាភិបាលថៃបានដឹកនាំការតវ៉ាក្នុងការរារាំងការរៀបចំការបោះឆ្នោតមុនអាណតិ្តក្នុងប្រទេសថៃកាល ពីថ្ងៃអាទិត្យ។
សារព័ត៌មានថៃតាមប្រព័ន្ធអ៊ីនធ័តណេតមួយឈ្មោះ MCOT Online News បានរាយការណ៍តាមពាក្យរបស់លោកស៊ូថេប អគ្គលេខាធិការគណៈកម្មការកែទម្រង់ប្រជាធិបតេយ្យពលរដ្ឋ (PDRC) ពេលដែលលោកថ្លែងទៅកាន់ក្រុមបាតុករក្នុងតំបន់ប៉ាទុំវណ្ណ រាជធានីបាងកកថា លោកសង្ស័យថា ខ្មាន់កាំភ្លើងអាចត្រូវគេជួលមកពីប្រទេសកម្ពុជា ពីក្រុមពិសេសសម្រាប់ធ្វើសង្គ្រាម។
លោកកុយ គួងបានបន្តថា ការចោទប្រកាន់លើកដំបូងមកលើពលរដ្ឋកម្ពុជាបានកើតឡើងកាលពីថ្ងៃទី២២ ខែមករា តែក្រសួងការបរទេសកម្ពុជាបានបដិសេធរួចហើយដែរ ហើយលោកថ្លែងថាស្ថានទូតកម្ពុជានិងស្ថានកុងស៊ុលកម្ពុជាក្នុងប្រទេសថៃបានណែនាំជនជាតិកម្ពុជានិងកម្មករកម្ពុជាក្នុងប្រទេសមិនឲ្យទៅជិតបាតុកម្មថៃនោះទេ៕
