შეერთებული შტატების თავდაცვის მდივანმა პიტ ჰეგსეთმა პენტაგონში თავის ბრიტანელ კოლეგას უმასპინძლა. ჯონ ჰილისთან ერთად, მან 6 მარტს უკრაინაში რუსეთის ომის სწრაფად დასრულების გზები განიხილა.
„გვჯერა, რომ ნატოს ევროპული ლიდერობა, გაერთიანებული სამეფოსა და სხვა ქვეყნების ხელმძღვანელობით, კონტინენტის თავდაცვის მომავალს წარმოადგენს“, - თქვა ჰეგსეთმა.
ბრიტანეთის საგარეო უწყების მეთაურის განცხადებით, მათ გაზარდეს თავდაცვის ხარჯები და ამას მომავალშიც გააგრძელებენ.
"თქვენგან გამოწვევა მივიღეთ, რომ მეტად ჩავრთულიყავით უკრაინაში, გაგვეზარდა თავდაცვის ხარჯები, გაგვეძლიერებინა ევროპის უსაფრთხოება. და მე გეუბნებით, რომ ეს ვქენით, ვაკეთებთ და მომავალში მეტს ვიზამთ", - თქვა ჰილიმ.
ჰეგსეთმა კიდევ ერთხელ გაუსვა ხაზი იმას, რომ პრეზიდენტ დონალდ ტრამპს ომის დასრულება სურს და ამ მიზანს "ლაზერის სიზუსტით უმიზნებს". მისი თქმით, სამშვიდობო მოლაპარაკების გზაზე უკრაინისგან მიღებული ბოლო ნიშნები იმედისმომცემია.
