Hukumar zabe ta kasa mai zaman kanta INEC ta ayyana tsohon mataimakin kakakin majalisar wakilai, Emeka Ihedioha, a matsayin wanda ya lashe zaben gwanan jihar Imo.
Kasa da sa’o’I 24 da sanarwa da hukumar zabe ta kasa a Kano ta bayar cewa, zaben gwamnan jihar bai kammalu ba, mai martaba sarkin Kano malam Muhammadu Sanusi na biyu, ya ja hankalin al’umar jihar su kwantar da hankali tare da zama lafiya da juna
Yayin da 'yan jam'iyyar APC ke cigaba da shagulgulan nasarar zabe a jahar Borno, wasu 'yan PDP na ganin da kamar wuya a ce dinbin wadanda su ka yi rajista sun fito sun kada kuri'a kamar sam babu wanda ya mutu ko kuma ya kaura.
A cigaba da cece-kucen da ake yi kan batun ayyana zabe a matsayin mara kammala saboda wasu dalilai, gwamnan jahar Sakkwato kuma dan takarar gwamnan jahar karkashin jam'iyyar PDP, wanda kuma lauya ne, ya ce a bincikensu ba su ga wannan tanaji a wata doka ba, don haka za su ruga kotu.
Idan aski ya zo gaban goshi, aka ce, ya fi zafi. Yanzu haka 'yan takarar gwamnan jahar Kano a karkashin jam'iyyun APC da PDP na nan sun zaku su ji sakamakon zaben gwamnan jahar Kano, daya daga cikin jahohi biyu mafiya yawa a Najeriya. Hasali ma, 'yan Najeriya da dama na dokin jin wannan sakamakon.
Wasu da ba'a san ko su wanene ba sun Harbe dan takarar Sanata a tutar jam'iyar ADP, Hon. Temitope Olatoye (Sugar) a Jihar Oyo.
Matsalar na'urarar tantance masu kada kuri'a da kuma saye ko saida kuri'a na daga cikin batutuwan da masu sa ido na cikin gida suka koka akai dangane da zaben gwamnoni da akai jiya a Najeriya.
Wasu 'yan kunar bakin wake da ake zargin 'yan kungiyar Boko Haram ne yi kokarin kai hari a wani Cocin Katolika dake burnin Shawu, dake jihar Adamawa.
Domin Kari
