A cikin wani hali na juyayi da alhini, an yi jana'izar marigayi Kanar Dahiru Ciroma da wasu 'yan bindigar da ake kyautata zaton 'yan Boko Haram ne su ka kashe shi yayin da ya ke wani sintirin tabbatar da tsaro a Danboa, jahar Borno.
Kasar Saudiyya ba ta kau da yiwuwar kulla dangantaka da kasar Yahudu ba, to amma ta ce sai kasar ta Isira'ila ta daidaita da Falasdinawa tukun.
A wani al'amari mai janyo takaddama da fassari iri iri, wato kotu a China ta yanke ma hamshakin mai kudin nan kuma dan siyasa, Ren Zhiqiang daurin shekaru 18 a gidan yari.
Cibiyar Yaki Da Cututtuka Masu Yado Ta Amurka ta janye wani karin bayanin da ta yi ranar Jumma'a kan yadda cutar corona ke yaduwa. Ta ce ana bukatar kara tantance bayanin.
Ta leko ta koma ga batun sake bude makarantu a Janhuriyar Nijer ganin yadda ambaliyar ta hana, bayan dan sassaucin da ake ganin an dan samu game da annobar cutar corona, wadda ta sa aka dage tun farko.
Kamar yadda aka saba a duk lokacin da aka yi rashin iyayen kasa, dinbin mutane sun yi cincirindo wajen jana'izar Mai Martaba Sarkin Biu, Mai Umar Mustapha Aliyu, duk kuwa da wannan marra da ake ciki, saboda nuna girmamawa da kuma alhini.
A wani al'amari mai cike da tarihi, wasu kasashen Larabawa biyu, wato da Hadaddiyar Daular Larabawa da Bahrain, za su rattaba hannu kan yarjajjeniyar hulda da kasar Isira'ila.
Jihohi biyar na Amurka suna gudanar da zabuka a jiya Talata, da ya hada da 'yar majalisa daga jihar Minnesota Ilhan Omar, babbar mai sukar Shugaba Donald Trump, ta fuskantar kalubale mai tsauri a zaben fidda gwani na jam’iyyar Democrat a gundumar Minneapolis.
Dan takarar da ake kyautata zaton shi zai tsayawa jam'iyyar Democrat takara a zaben shugaban kasa Joe Biden, ya zabi Sanata Kamala Harris a matsayin abokiyar takararsa, mace ta farko bakar fata- ba'indiya da wata babbar jami'yya ta taba zaba.
A jiya Talata Hukumar Lafiya ta Duniya ta ce tana tattaunawa da Rasha game da sabon rigakafin COVID-19 da aka amince dashi kwanan nan.
Fiye da mutane 70 aka kashe, sannan da dama suka jikkata a wata arangamar da ta shafi sojoji da fararen hula a jihar Warrap a Sudan ta Kudu a karshen makon nan, in ji jami'an yankin da jami’an majalisar dinkin duniya.
Matsananciyar guguwar nan da aka yi wa lakabi da “ISAIAS” tana kara ketawa a tsakiyar jihar New York da New England bayan ta hanzarta ratsawa a yankin tsakiyar Atlantika na Amurka, inda akalla ta kashe mutum hudu.
A jiya Talata Sakataren Harkokin Wajen Amurka Mike Pompeo ya yi alkawarin ba da kariya ga masu rajin demokradiyya a Hong Kong wadanda suka tsere daga garin kuma suka la'anci China bayan da Beijing ta ce, an baiwa 'yan sanda umarnin kama masu fafutukar daga ƙasashen waje.
Jami'an Fadar White House da kuma manyan 'yan jam'iyyar Democrat a majalisar dattawa na shirin sake haduwa, bayan da bangarorin biyu sun bayyana samun ci gaba da kokarin su na yin matsaya kan sabon tallafin gwamnati na cutar coronavirus.
Tun lokacin da duniya ta shiga cikin mawuyacin hali bayan barkewar annobar cutar Coronavirus, ko COVID-19, rayuwar gaba daya ta canza, kuma babu tabbacin ko zata koma daidai.
Domin Kari
