Masu safarar mutane sun yi gargadi wa ‘yan uwansu matasa ne game da hadarin dake cikin tafiyar.
Tun da daga farko hukumomin tsaro na Jamhuriyar Nijar ne sukayi nasarar ceto matasan su 61 a yankin Mai’adua na kan iyakar Najeriya da Jamhuriyar ta Nijar, yayin da masu kitsa fataucin matasan ke kokarin tsallakawa da su akan hanyar su ta zuwa Libya.
Matasan waanda suka hada maza da mata, yanzu haka sun yi nadama game da halin da suka tsinci kansu.
Dawo da matasan na daga cikin sakamako mai alfanu daga aiki tsakanin hukumar NAPTIP mai yaki da fataucin bil’adama ta Najeriya da hukumomin tsaro na ketare musamman kasashe da ake makwabtaka da du irin su Nijar, inji Mr Yohana Haruna Jagoran jami’an NAPTIP dake sintiri na musamman a shiyyar Kano.
Yanzu haka dai wadannan matasa sunyi janhankali ga ‘yan uwan su masu kwadayin zuwa kasashen wajen domin neman kudi.
