WASHINGTON D.C. —
Yau jami’in watsa labaran fadar shugaban Amurka ta White House, Sean Spicer ya yi murabus daga aikinsa.
Rahotanni daga kafafen yada labarai na cewa kudurinsa na ajiye aiki na da alaka da nadin sabon daraktan yada labarai na fadar shugaban kasa Anthony Scaramucci. Inda suke cewa Spicer ya mika takardar murabus din sa ne jim kadan bayan da aka nada sabon daraktan.
A tarukan manema labarai da yake gudanarwa a fadar shugaban kasa Sean Spicer ya janyo hankulan masu kallon talabijin da kafofin sada zumunta. A baya bayan nan dai mataimakiyar Spicer ce ke gudanar da tarukan.
Facebook Forum