WASHINGTON DC —
Wani hari ta sama da Amurka ta kai yau Laraba ya kashe akalla ‘yan kungiyar al-Shabab 6 a kudancin Somalia, a cewar wata sanarwa da rundunar sojan Amurka ta fitar.
Harin ya faru ne kimanin kilomita 260 da kudancin Mogadishu, babban birnin kasar, a cewar sanarwa da rundunar rundunar sojan Amurka a Afrika ta fidda, duk da dai ba a bada karin bayani ba.
Hare-haren ta sama guda 3 da aka kai” an kaddamar da su ne tare da hadin guywar gwamnatin tarayyar Somalia, a cewar sanarwar.
Harin da aka kai yau Laraba shine hari na 12 da aka sanar wanda dakarun Amurka suka kai akan ‘yan kungiyar masu alaka da al-Qaida a Somalia tun daga ranar 1 ga watan Yuli.
Facebook Forum