Policia e Filadelfias tha të premten se po heton një komplot të pretenduar për të sulmuar Qendrën e Konferencave të Pensilvanisë, ku po vazhdon numërimi i votave. Policia tha se mori një informacion në lidhje me një kamion me njerëz të armatosur që po shkonte drejt vendit të numërimit të enjten. Ajo tha se kishte arrestuar dy persona dhe u kishte konfiskuar armët.
Trump: "Nuk do të heq kurrë dorë nga lufta"
Presidenti Donald Trump tha në një deklaratë të publikuar nga Shtëpia e Bardhë: ”Ne do ta ndjekim këtë proces përmes çdo aspekti të ligjit për të garantuar që populli amerikan të ketë besim te qeveria jonë. Unë kurrë nuk do të heq dorë nga lufta për ju dhe për vendin tonë.”
Filadelfia: Qindra demokratë kërcejnë në rrugë. Detroit: Përkrahësit e Presidentit Trump protestojnë
Qindra demokratë u mblodhën të premten pranë ndërtesës së numërimit të votave në Filadelfia, të veshur me bluza të verdha ku shkruhej "Numëro çdo votë" dhe duke kërcyer në rrugë.
Në Detroit, një grup mbështetësish të presidentit Trump, disa të armatosur, protestuan pranë vendit të numërimit, duke tundur flamuj dhe me thirrjet, "Luftoni!"
Rezultatet e numërimit të votave deri në orën 15:00
PENSILVANI
Biden: 49.5% 3,311,673 vota
Trump: 49.3% 3,298,011 vota
XHORXHIA
Biden: 49.4% 2,450,381 vota
Trump: 49.4% 2,448,778 vota
ARIZONA
Biden: 49.9% 1,562,200 vota
Trump: 48.6% 1,521,246 vota
NEVADA
Biden: 49.7% 627,104 vota
Trump: 48.1% 606,967 vota
KAROLINA E VERIUT
Trump: 50.0% 2,732,120 vota
Biden: 48.6% 2,655,383 vota