UNkosikazi Tsitsi Simon, ohlala eRugare eHarare, uthi bathwele nzima ngokuswelakala kokudla eZimbabwe. (Video: Mavis Game)
Abantu abanengi baphelelwe zinkomo eMatabeleland lezinye izabelo ngenxa yokuswelakala kotshani emadlelweni njalo lamanzi okubangwe yikuswelakala kwezulu. UEzra Tshisa Sibanda usethulela loludaba ...
Ingcwethi kwezokulima ezeInternational Crops Research Institute for the Semi-Arid Tropics (ICRISAT) eMatopo Research Station, zithi kumele abalimi basebenzise indlela ezibalulekileyo ezokulima ukuze baziphandele ukudla njalo bagcine kahle izifuyo loba izulu lingani ngemfanelo.
Ugogo Samusi ohlala eRugare eHarare uthi bayalamba kakhulu ngenxa yokuswelakala kwemali lezulu. Uxoxa loMavis Gama. (Video: Mavis Gama)
UMnu. Edmore Lusinga ohlala emngceleni weFilabusi leMberengwa uthi inkomo zakhe ezilitshumi zibulewe yikuswelakala kwamanzi lamadlelo. (Video: Ezra Tshisa Sibanda)
UNkosikazi Lillian Ndlovu ohlala eGwenyimo Village, esigabeni seInsiza, uthi ufelwe zinkomo eziyisikhombisa ngenxa yokuswelakala kwamadlelo lamanzi. (Video: Ezra Tshisa Sibanda)
Umqondisi wohlangothi lolu, uMnu. Clifford Matorera, uthi inengi labantu laba bakoBulawayo. UMatorera uthi umumbu wokusiza abantu abehluleka ukuziphandela ukudla wedlula kancane inkulungwane lamakhulu amabili kusilinganiso sama metric tonnes - 1,261.85 ngenyanga.
Umfelokazi uSibonisiwe Maphosa, ohlala eJenda esigabeni seFilabusi esabelweni seMatabeleland South, uthi ufelwe zinkomo ezifika itshumi lesikhombisa. Uthi ukoma okwenziwe yikuswelakala kwezulu kutshiye amadlela alubhuqu njalo kungelamanzi okunathisa inkomo. (Video: Ezra Tshisa Sibanda)
UMnu. Stephen Moyo, oleminyaka yokuzalwa engamatshumi ayisificaminwemibili, uthi inkomo zakhe ezingamatshumi amane lanhlanu (45) zibulewe yikuswela amanzi lamadlela eKuthula Village esigabeni seSanali eFilabusi esabelweni seMatabeleland South. (Video: Ezra Tshisa Sibanda)
UMnu. Thembelani Moyo ohlala eLupane uthi abantu bayahlupheka okumangalisayo ngenxa yokuswelakala kwemali yokuthenga ukudla. Uthi lempuphu kayitholakali eZimbabwe. (Courtesy Video: Thembelani Moyo)
Bekusenkangala eInsiza inyanga ezimbalwa ezedluleyo okulenkomo ebezicubela emanzini emadamu zidinga amanzi okunatha. Izakhamizi zithi ziphelile inkomo emadamu, emakhaya legangeni ngenxa yokuswelakala kwamadlelo lamanzi. Ezinye izifuyo zicube ziqhutshwa ngabanikazi.
Ukwengezelela
