“Ngihlala kuThula village, usobhuku nguKhesare Bhova. Inkomo zami zafa zaphelela lapha zibanjwa ludaka ezinye zisifa egangeni khonale, ezinye ngizitshisa, ezinye ngizihlinza nginika abantu badle. Ezinengi ngaqedisela ngizitshisa. Ngifelwe zinkomo ezingu 45 zona zingu87, kwaswala 43 ..."
UMnu. Brighton Nare oweNtalale uthi bazabulawa yindlala lonyaka ngaphandle kokuthi uhulumende angenele. (Video: Albert Ncube)
Ziyakhala izakhamizi eGwanda South ngokoma njalo langendlala eyesabekayo esabelweni seMatabeleland South lakwezinye indawo zelizwe. Abantu abanengi bacela ukuthi uhulumende abadingele ukudla. UAlbert Ncube usethulela loludaba ...
Abantu abanengi eGwanda South bathi babhekane lendlala eyesabekayo ngoba izulu kalini ngemfanelo njalo akusela kudla esigabeni sabo. Bacela ukuthi uhulumende abadingele ukudla. UAlbert Ncube usethulela loludaba.
“Emasimini akula lutho, akula lutho ngitsho lambinjana sidla okokukolovela. Sifuna ukuncediswa ngokudla sifake emlonyeni … Leyi inkulu ukwedlula iminyaka yonke. Izifuyo vele akusela sezifile zaphela sekusele nje 2, 3 yikho okuthiwa kulezifuyo khonapho.”
Uhulumende wakwele Zimbabwe uthi sokusele amabele amalutshwana eziphaleni zelizwe alakho ukuphela phakathi kwenyanga eyodwa.
Abantu abanengi eZimbabwe babhekane lendlala emangalisayo. Abanengi kabasenelisi ukuziphandela ukudla kuthi abanye njalo bafelwe zinkomo ezinengi ngenxa yokuswelakala kwamanzi lamadlela. Inhlanganiso yeWorld Food Program ithi sebedinga izigidi ezingamatshumi amadola eyokuthenga ukudla kwabalambayo.
Okwethulwe Ngabantu: UNkosikazi Nothando Tshuma Uthi Sebesidla Kanye Ngelanga Abantu eZimbabwe.
Okwethulwe Ngabantu: Ukuswelakala kokudla kukhathaza uMnu. Ndodana Ndlovu
Okwethulwa Ngabantu: Uyakhala okumangaliayo uMnu. Banda Moyo.
Okukhulunywa Ngabantu: Lalela uzizwele okwethulwe nguMgcini Banda.
Okukhulunywa Ngabantu: Ukhala Ngandlala
Ukwengezelela
