Uphenyo olwenziwe ngabeZimbabwe Democracy Institute ngesikhathi ilizwe libhekane lendlala enkulu lwethuse abantu abanengi abasale bezibuza ukuba kwenzakalani khona kulohlelo olutshona lubabazwa nguhulumende olweCommand Agriculture olwabelwa imali enengi kuBudget.
Abawelwe yingozi yezulu lesikhukhula eHwange ngoMgqibelo balahlekelwa zimpahla ezitshiyeneyo sebethole usizo oluvela kubosomabhizimusi beVictoria Falls kanye labezinkonzo.
Inengi labalimi lilandela imbiko yabezomkhathi ukuhlela indlela lesikhathi abahlanyelo lokulima ngayo.
Ukutholakala kwempuphu ezitaladeni sokutshiye inengi lisola uhulumende ngokukhuthaza inkohlakalo.
Lokhu kuza ngesikhathi inengi kulesisabelo livele libhekane lendlala embi kakhulu kulandela ukungani kuhle kwezulu kusukela ngomyaka ka2018.
Ukuguquka komkhathi lokhu kudala ukuthi ilanga litshise kakhulu njalo izulu lisilele.
Izakhamizi enyakatho lasezansi yeMandebeleni zithi sezehlelwe yibuyanga obumangalisayo kulandela ukufa kwenkomo ezedlula inkulungwane ezingamatshumi amabili lanye, 21,000 ezabelweni zombili ngenxa yendlala lonyaka.
Lelidamu selileminyaka emithathu ladilika latshiya izakhamizi lezifuyo zibhekane lodubo lwamanzi. Izakhamizi zithi zifelwe yizifuyo ezinengi lonyaka ngenxa yendlala lokusilela kwamanzi kulumango.
Abalimi beTsholotsho bathi isimo lokhe sisiba sibi ngamandla, belahlekelwa yizifuyo eziyizo ebazithembileyo ukuziphilisa njengoba indawo abakiyo izulu lingani kuhle sikhathi sonke.
Bacela inhlanganiso ezizimele zodwa ukuthi zibanike ukudla njalo bakhala ngokuthi kukhanya engani abathola ukudla kunikwa abantu abasekela ibandla leZanu PF kuphela.
