UMongameli Cyril Ramaphosa wakweleSouth Africa uthi uhulumende wakhe akathathelanga muntu umhlabathi njengalokhu okukhulunywa nguMongameli Donald Trump weMelika lomcebisi wakhe uMnu. Elon Musk abathi kaphathanga kahle abanye abantu abalamapulazi kulelolizwe.
UTrump ubike izolo ukuba kasasekeli inhlelo eziqhutshwa kulelolizwe ngakho kasoze anike ilizwe leli imali yenhlelo ezitshiyeneyo kuze kuhlolisiswe udaba lolu.
URamaphosa uthi usizo abaluthola eMelika lulutshwana njengoba ilizwe leli liphathisa kuphela kunhlelo zokulwisana legciwane leHIV kanye lomkhuhlane weAIDS kodwa kunhlelo lezi iphathisa ngemali eyisilingani sokulitshumi lasikhombisa, 17% kuphela.
Ngenyanga edluleyo, uRamaphosa usayine umthetho ozakwenza kubelula ukuthi uhulumende wakhe athathe umhlabathi ngenhloso yokuthi umhlabathi wabelwe ngokulingeneyo njalo kulungiswe indubo zokuthi abansundu balokhu bengela mhlabathi ngemva kokuphela kobandlululo olwaluqhutshwa ngabamhlophe ngo1994.
Abezindaba abeReuters babika ukuba iSouth Africa Rand iwe isisindo njalo lomkambo wemali uthintithekile kulandela okwethulwe nguTrump.
Ukuhlaziya loludaba sixoxa lolandela ezombusazwe uMnu Tim Muringai odabuka eZimbabwe ohlala eOhio, khonapha eMelika.
Forum