WASHINGTON DC —
Umahluli wedale le High Court uJustice George Chiweshe wethule isinqumo sokuvumela uMongameli Robert Mugabe njengesicelo sakhe sokuthi aphiwe isikhathi sokuhlela ilanga lokwenza ukhetho lwama by-elections eNkayi South, Bulilima East le Lupane East kuze kufike uMbimbitho womnyaka ozayo.
Ujustice Chiweshe kanikanga izizatho zokuthi wethule njani isinqumo lesi esihambelana lokukade kufiswa nguMongameli Mugabe othi ele Zimbabwe likhangelelwe ukuqhuba ukhetho olukhulu lokudinga umongameli, amalunga edale leSenate lephalamende kanye lamakhansila ezabelo ngesikhathi esifanayo ngomnyaka ozayo.
Idale le Supreme Court lalithethe isinqumo sokuthi uMongameli Mugabe kumele abikele uzulu ekupheleni kuka Ncwabakazi ngosuku lokwenziwa kokhetho lwama by-elections la.
Ubesetshitsha emthethwandaba lapho acine ekubeka mgceke ukuthi ele Zimbabwe lilakho ukwenza ukhetho lwama general elections ngoMbimbitho ngomnyaka ozayo.
Umnu. Ray Goba, igqwetha elimele uMongameli Mugabe emthethwandaba, utshele intathelizindaba ukuthi uMugabe uyafuna ukuthi kwenziwe ukhetho lolu kwele Zimbabwe loba ilizwe likhala ngokuswela imali.
Kodwa-ke amagqwetha amele ababengamalunga edale lephalamende abakhweze loludaba edale befuna lwenziwe ngesiphangiphangi, bathi okwenziwe ngu Justice Chiweshe yikwephula umthetho. Bathi idale le High Court lingeke lesula izinqumo ze Supreme Court.
Kwavuleka izikhundla zedale lephalamende ibandla le Movement for Democratic Change elikhokhelwa nguMnu. Welshman Ncube lize lixotshe uMnu. Abednico Bhebhe, Mnu, Njabuliso Mguni lo Mnu. Norman Mpofu.
Ujustice Chiweshe kanikanga izizatho zokuthi wethule njani isinqumo lesi esihambelana lokukade kufiswa nguMongameli Mugabe othi ele Zimbabwe likhangelelwe ukuqhuba ukhetho olukhulu lokudinga umongameli, amalunga edale leSenate lephalamende kanye lamakhansila ezabelo ngesikhathi esifanayo ngomnyaka ozayo.
Idale le Supreme Court lalithethe isinqumo sokuthi uMongameli Mugabe kumele abikele uzulu ekupheleni kuka Ncwabakazi ngosuku lokwenziwa kokhetho lwama by-elections la.
Ubesetshitsha emthethwandaba lapho acine ekubeka mgceke ukuthi ele Zimbabwe lilakho ukwenza ukhetho lwama general elections ngoMbimbitho ngomnyaka ozayo.
Umnu. Ray Goba, igqwetha elimele uMongameli Mugabe emthethwandaba, utshele intathelizindaba ukuthi uMugabe uyafuna ukuthi kwenziwe ukhetho lolu kwele Zimbabwe loba ilizwe likhala ngokuswela imali.
Kodwa-ke amagqwetha amele ababengamalunga edale lephalamende abakhweze loludaba edale befuna lwenziwe ngesiphangiphangi, bathi okwenziwe ngu Justice Chiweshe yikwephula umthetho. Bathi idale le High Court lingeke lesula izinqumo ze Supreme Court.
Kwavuleka izikhundla zedale lephalamende ibandla le Movement for Democratic Change elikhokhelwa nguMnu. Welshman Ncube lize lixotshe uMnu. Abednico Bhebhe, Mnu, Njabuliso Mguni lo Mnu. Norman Mpofu.
