Kwezemidlalo uEzra Tshisa Sibanda uxoxa lomdlali wenguqu owake waba lodumo olukhulu edlalela iqembu leHighlanders kanye lelesizwe elamaWarriors uBekithemba Ndlovu.
UBekithamba Ndlovu wayesaziwa kakhulu ngabalandeli beBosso ngamagama abalisa elithi Super kanye lelithi SaMaNdlo njalo wayevimba emuva okwezinga laphezulu.
Uthi, "Ekhaya kuseKezi ngizalelwe khonapha koBulawayo ngakhulela eMakokoba, Mzilikazi. Ugogo ozala umama uhlala eMakokoba, ozala ubaba uhlala eMzilikazi so yikho engakhulela khona ngafunda eMzilikazi Primary School then sasesisuka saya eMpopoma sengiku Grade 3 ngasengikhulela ke eMpopoma ngafunda eLukhanyiso Primary School. Ngaya funda isecondary yami eMsitheli. Ibhola ngiqalise ukudlala ngisasemncane, kuma juniors ka doc uBhabha ngadlala kuma under 14, under 17, under 19 ngadlala under udoc Bhabha."
USuper wadlalela ama-under 17 lama-under 19 eBosso lapho asuke khona esesiyadlalela iqembu elitsha elePhinda Mzala elalikuDivision One elaboGift Lunga Junior, Richard Choruma labanye abadlali.
"From there yikho lapho iHighlander eyangibona khona then I went to Highlanders ngo1997 under uMadinda, ngadlalela iMoroka Swallows eGoli ngadlalela iSilver Stars eyatshintsha yaba yiPlatinum Stars ngasengidlala kuMpumalanga Black Aces yikho lapho engacina khona icareer yami eGoli ngadlala for 6 years."
USaMaNdlo wabamba iqhaza elikhulu kuHighlanders okwenza leliqembu lathola isicoco sePremier Soccer League iminyaka ilandelelana.
"Sakhona uku winner ama championship ethu lawana angu4 in a row so I am proud of i-record yakhona ngiyaziqhenya ngayo because akukho lula uku winner ama championship ngumsebenzi onzima so ungabona uwine 4 it's a record kuHighlander omunye umuntu angeke ayi doubt omunye umuntu angeke ayicitshe so ngiproud ngento engayenzela iteam yami engiyithandayo iHighlanders.”
Ngenxa yohlonzi lwakhe uBekithemba wabizwa kuqembu lesizwe elamaWarriors lapho afika wenza izimanga.
"Ngadlala laku national team 2004 playing career yami, 2004 first Nations Cup iZimbabwe uku-qualifier lami I was part of the team eyayilabo Peter Ndlovu, Joel Luphahla, ilabo Gift Muzadzi ilabo Mugeyi twins, ilabo George Mbwando, Kaitano Tembo labo Charles Yohane, Benjani Mwaruwaru lami yimi engangingu right back wakhona, sasesikhotshwa nguCharles Mhlawuri nguye owayengu head coach we national team yeZimbabwe ngo2006 kuAfcon, ngo2004 kwakungu Sunday Chidzambwa."
Ekuthatheni umhlalaphansi uBeke wahle waqala ukuqeqetsha ezenguqu.
"Ngo 2012 nga coacher kuHighlanders loKelvin Kaindu ngasuka kuHighlanders ngaya ku How Mine ngilo Kelvin Kaindu still then ngaba listed ku Green Fuel okwamanje ngi coacher ku Bulawayo Chiefs kuDivision One. I am a young coach who wants to grow ngifuna ukukhula lami ngizibone sengi coacher ama team amakhulu sengi coacher labo national team."
Iqembu eliqeqetshwa nguBekithemba Ndlovu khathesi eleBulawayo Chiefs lidlala kusibaya seDivision One kuSouthern Region.
Kodwa uthi uzasebenza ngokuzikhandla lonyaka ukuze aliphakamise lingene kusigaba seCastle Premier Soccer League.
Forum