Umhlaba wonke ngoLwesihlanu unanza usuku lweInternational Mother Language Day oluqakathekisa ulimi lukamama.
Umanyano wamazwe omhlaba oweUnited Nations uthi usuku lolu lunanzwa ngesikhathi sezitshabalala ezinye indimi kwamanye amazwe.
Ithi ulimi lukamama luqakatheke kwezemfundo, ezamasiko, ezentuthuko lokunye ngakho-ke kumele lulondolozwe. Emhlabeni wonke jikelele kulandimi ezedlula inkulungwane eziyisitshiyangalombili – 8,324.
EZimbabwe kusetshenziswa ezilitshumi lasithupha – 16 ezithi Chewa, Chibarwe, English, Kalanga, Koisan, Nambya, Ndau, Ndebele, Shangani, Shona, Sign Language, Sotho, Tonga, Tswana, Venda leXhosa.
Ukuhlaziya loludaba, sixoxe loThandeko Zinti Mnkandla ingcwethi kwezamasiko njalo owayengumphathi wesikolo seGwanda Secondary School othi kuqakathekile ukulondoloza ulimi lukamama.
Forum