Abalwa impi yenkululeko, abaphathintambo bakahulumende labanye abantu namuhla bavalelise umuyi uTshinga Dube, owalwa impi yenkululeko ekuviyo leZimbabwe People’s Revolutionary Army, obhubhe ngoLwesine ngeviki ephelileyo, osenikwe isicoco seqhawe lesizwe libandla leZanu PF.
Bekulehlekana labantu namuhla enkundleni yemidlalo eBarbourfields Stadium kunkonzo yokuvalelisa umuyi uRetired Colonel Tshinga Dube, obhubhe ngoLwesine ngeviki ephelileyo. UMongameli Emmerson Mnangagwa wamnikeza isicoco selizwe. Kukhangelelwe ukuba uzangcwatshwa eNational Heroes Acre ngoLwesithathu. Umdeni kamuyi uthi uDube weyefisa ukuyangcwatshwa eLady Stanely Cemetery koBulawayo. UMphathintambo wakoBulawayo uNkosikazi Judith Ncube, obeyisikhulumi esiqakathekileyo kulinkonzo, ubonge bonke abaphathisa umuyi engezwa kahle esithi kuqondile okuba ayengcwatshwa eHarare.
"Umsebenzi owenziwe ngodokotela omongikazi le support staff yonke ngesikhathi ubaba esesibhedlela eseMaterdei ngiyalibonga Matebeleland region ngiyalibonga Zimbabwe jikelele ngiyabonga."
Umdeni kamuyi lawo ubonge kakhulu okwenziwe nguhulumende lozulu. Indodana kamuyi uVusa Dube uthi uMongameli Emmerson Mnangagwa kazange ethandabuze ubuqhawe bukayise.
"UPresident sibili sizwe kuthwa uthe ubaba ebhubha nge Thursday ntambama exactly ngo 7 ekuseni sahle sezwa I call kuthwa ayi umdala uhle wayenza decision eyedwa enga consult amanye ama jaha kusasa ekuseni sile parade elokhuzeni eluwelini barracks and then after that I think sesisuka sisiya eHarare sesisiya mbeka ngolwesithathu ekuseni."
Lokhu kugcizelelwe nguSenator Molly Mpofu wakoBulawayo othe uDube wayeyindoda emadodeni.
"We feel very proud into yenziwe ngumongameli wethu ukuthi aninge ubaba UTshinga isicoco sokuthi abe yi national hero singazange sicele emuntwini is the first of its kind kuleyi region."
Izikhulumi ezinengi bezibuka imisebenzi kamuyi zisithi ubengumuntu obemele uzulu njalo wayethanda ukukhuluma iqiniso. Umalumakhe uKennny Sigoba ngomunye wabo.
"Ngiyakhumbula even lakuqala laphana kumongameli uMugabe esaphila esekhulile uTshinga iqiniso amtshela lona ngelokuthi wohlu khethe umuntu ozamtshiyela isihlalo lesi nxa usuphumile la khathesi before afe utshele umongameli u Munangagwa ukuthi hayi khetha umuntu ozakuthatha indawo yakho nxa usungasekho."
Banengi abathakazelela okwenziwa ngumuyi uDube. UMnu. Donald Mphazima Khumalo uncoma indlela ayelondoloza ngayo ezamasiko.
"Eh futhi yindoda ebithanda into zamasiko ethanda le development yeregion njenge sizwe silahlekelwe yi library."
Umnewabo kankosikazi kamuyi, uDokotela (Name) Maphosa uthi uDube lanxa wayekubandla leZanu-PF ubephila kuhle labakumabandla aphikisayo.
"Usisi uNomathemba uloSisi amlandelayo okuthwa ngu Rose othethwe nguSphepha owayenguma quzu weMdc ubaba UTshinga enguMaquzu weZanu Mdc le Zanu zazingabonabonani kuTshinga lobaba uSphepha ngitsho lelanga elilodwa abake balalwa Phambi kwako Maphosa kumbe behlangana eHarare.”
Owayekubandla leMDC, uMnu. Sam Sipepa Nkomo, uyakufakaza lokhu.
"Yena yizanu yena nge opposition as you say sasikhuluma sibili kwesinye isikhathi laye criticiser ngapha ngakithi lami ngi criticiser ngakibo."
Umzimba kamuyi uzalaliswa endlini yakhe eKillarney koBulawayo uhanjiswe enkambeni yebutho eLewellyn Barracks kusasa ekuseni ungakayi eHarare lapho ozalala endlini yakhe eRuwa, kuthi ngoLwesithathu ayengcwatshwa eNational Heroes Acre.
Forum