Kulabakubandla leZanu PF abaphika ukuba kulokuxabana okumangalisayo phakathi kuka Mongameli Emmerson Mnangagwa lomsekeli wakhe uMnu. Constantino Chiwenga ngokuthi kwengezwe umbuso kaMnangagwa kungafika umnyaka ka2030.
Baphika ngesikhathi abasekeli baka Chiwenga beziveze ngoMvulo eNational Heroes Acre lapho abahlabele ingoma besithi akumelanga ekhahlanyezwe.
Abasekela uMnangagwa labo bebegqoke izembatho eziveza ukuba bafuna ahlale esikhundleni kungaqhitshwa umbuso wakhe ngomnyaka ka2028.
Sixoxe ngodaba lolu loMnu. Munashe Mtutsa okudale leZanu PF Central Committee othi akula kuxabana phakathi kwenkokheli yebandla leli.
Sixoxe njalo ngodaba lolu loMnu. Matthew Sibanda, okhokhela elinye icele leZapu, othi kusobala ukuba uMnangagwa loChiwenga bayalwa.
UMnangagwa usekhulume kanengi ukuba kafisi ukuqhubeka esembusweni kungafika umnyaka ka2030. Abantu abanengi bathi uluma ephozisa.
Forum