WASHINGTON DC —
Inhlanganiso eboleka amazwe womhlaba imali eye International Monetary Fund (IMF) ithi umnotho weZimbabwe ukhangelelwe ukuthi uzathuthuka lonyaka ngesilinganiso sokuhlanu ekhulwini – 5%, okuyisilinganiso esiphansi kwaleso esikade sicatshangelwa lilizwe kanye lenhlanganiso ezitshiyeneyo.
Inhlanganiso le, eyethule ugwalo olujulileyo ngesimo somnotho we Zimbabwe, ithi lokhu kubangelwa yikuthi ilizwe libhekane lendlala emangalisayo edalwe yikuswelakala kwezulu, ukuphithizela kwezombusazwe kanye lamalungiselelo okhetho oluzayo.
Iphinde yathi isikwelede se Zimbabwe esenhlanganiso zemali zemazweni atshiyeneyo lokhu siqonga okwethusayo njengoba sesisedlula amabillion alitshumi amadollar-$10.7 billion.
Inhlanganiso le ithi isikwelede lesi sibisela muva ukuthuthuka komnotho we Zimbabwe.
Yayicabangela ukuthi umnotho welizwe uzathuthuka ngesilinganiso sokwedlula isikhombisa ekhulwini – 7.5% kusiya ku8%.
Umnu. Tendai Biti umphathintambo wezemali, owayecabangela ukuthi umnotho uzathuthuka ngesilinganiso phose sokulitshumi ekhulwini – 9.4% lonyaka - utshele iStudio 7 ukuthi kulenhlanganiso ezinengi ezikade zifuna ukwesula isikwelede se Zimbabwe kodwa sezimangaliswa ngabantu abangene ngenkani eSave Valley Conservancy.
Umnu. Rejoice Ngwenya ingcwethi kwezenotho okunhlanganiso yeLiberal Market Solutions uthi umbiko we IMF kawethusi kangako njengoba kungayisiyo mfihlo ukuthi ele Zimbabwe lilokhe lisehluleka ukulungisa isisekelo esitsha sombuso welizwe lokunye okuhluphayo kwezombusazwe elizweni.
Inhlanganiso le, eyethule ugwalo olujulileyo ngesimo somnotho we Zimbabwe, ithi lokhu kubangelwa yikuthi ilizwe libhekane lendlala emangalisayo edalwe yikuswelakala kwezulu, ukuphithizela kwezombusazwe kanye lamalungiselelo okhetho oluzayo.
Iphinde yathi isikwelede se Zimbabwe esenhlanganiso zemali zemazweni atshiyeneyo lokhu siqonga okwethusayo njengoba sesisedlula amabillion alitshumi amadollar-$10.7 billion.
Inhlanganiso le ithi isikwelede lesi sibisela muva ukuthuthuka komnotho we Zimbabwe.
Yayicabangela ukuthi umnotho welizwe uzathuthuka ngesilinganiso sokwedlula isikhombisa ekhulwini – 7.5% kusiya ku8%.
Umnu. Tendai Biti umphathintambo wezemali, owayecabangela ukuthi umnotho uzathuthuka ngesilinganiso phose sokulitshumi ekhulwini – 9.4% lonyaka - utshele iStudio 7 ukuthi kulenhlanganiso ezinengi ezikade zifuna ukwesula isikwelede se Zimbabwe kodwa sezimangaliswa ngabantu abangene ngenkani eSave Valley Conservancy.
Umnu. Rejoice Ngwenya ingcwethi kwezenotho okunhlanganiso yeLiberal Market Solutions uthi umbiko we IMF kawethusi kangako njengoba kungayisiyo mfihlo ukuthi ele Zimbabwe lilokhe lisehluleka ukulungisa isisekelo esitsha sombuso welizwe lokunye okuhluphayo kwezombusazwe elizweni.
