Iqula lenhlanganiso ekweledisa amazwe womhlaba imali eye International Monetary Fund (IMF) selifike eZimbabwe ukuyahlolisisa ukuthuthuka komnotho welizwe njalo lokuncedisa uhulumende ekuqoqeni ugwalo olujilileyo olwe Mid-term Budget Statement.
Ugwalo lolu luzatshengisa uzulu ukuthi imali kahulumende isetshenziswa njani lokuthi uhulumende uqhuba njani ekuthuthukiseni umnotho we Zimbabwe.
Iqula leli libikwa lizahlangana leziphathamandla zogatsha lukahulumende lwezemali, loluthuthukisa umnotho, abaqondisi bebhanga elikhulu lelizwe iReserve Bank of Zimbabwe kanye labaqondisi bamankampani ukwenzela ukuthi lithole okuqondileyo ngesimo somnotho welizwe.
Loba nje leliqula likhangelelwe ukuthi lincede ilizwe ngamacebo okuthuthukisa umnotho wesizwe, umqondisi we Matabeleland Chamber of Industries uNkosikazi Ruth Labode uthi ukwethekelela kwe IMF akusoze kuncede amankampani avalwayo koBulawayo.
