Inhlanganiso eboleka amazwe atshiyeneyo imali eye International Monetary Fund (IMF) isiqonqosele iziphathamandla zikahulumende we Zimbabwe ukuthi akumelanga zikhuphule iholo lezisebenzi umnotho welizwe uze uguquke okuzwayo.
Lokhu kubikwa kwethulwe ngolweSithathu emihlanganweni eyenziwe yiziphathamandla zikahulumende lequla le IMF elise Zimbabwe elihlolisisa umumo womnotho welizwe lezombusazwe.
Iqula leli lithi nxa izisebenzi zikahulumende zingakhuphulelwa iholo kungenzakala ukuthi umnotho welizwe udilike njengoba iZimbabwe ingela mali yeholo eliphezulu.
Inhlanganiso ye IMF ixwayise ele Zimbabwe ngoZibandlela ukuthi ingakhuphuli iholo lezisebenzi kodwa izisebenzi lokhe zitshaya phansi zisithi zifuna iholo elingcono.
Ingcwethi kwezenotho uMnu. Bekithemba Mhlanga uthi uhulumende kalamali yokukhuphula iholo lezisebenzi njalo lemali yamadayimana idliwa buhlungu ngabadlelana lebandla le ZANU-PF.