Kulabathi ibandla leZanu PF lifuna ukuba uMongameli Emmerson Mnangagwa eqhubeke esembusweni ngoba besaba ukunqotshwa nguMnu. Nelson Chamisa engasungula ibandla elitsha.
Bathi kusobala ukuba besaba ukuthi uChamisa engangena kukhetho ngomnyaka ka2028 ulakho ukunqoba ozamela eleZanu PF kukhetho lukamongameli ngoba abantu baphila nzima eZimbabwe.
Baphinde bathi uMnangagwa lomsekeli wakhe uMnu. Constantino Mhiwenga balakho ukukhumisana umlotha belungise ukuxabana kwamalunga ebandla elibusayo okubangelwe yimizamo yokwengeza umbuso kaMnangagwa.
Kulabanye njalo abathi uMnangagwa loChiwenga kabasakhulumisani ngenxa yokubanga isikhundla sikamongameli.
Abafisa ukuba uMnangagwa eqhubeke esembusweni bathi kumele kuguqulwe isisekelo sombuso welizwe ukuze ahlale esikhundleni okweminyaka emibili kusiya emihlanu.
UMnangagwa yena uthi kafisi ukuhlala embusweni engagqiba ihlandla lesibili lombuso wakhe.
Ukuhlaziya loludaba, sixoxe lolandela ezombusazwe uMnu. Anglistone Sibanda othi kunengi okwenzakala kubandla leli okuphehlwa yimizamo yokuguqula isisekelo sombuso ukwenzela ukuthi uMnangagwa eqhubeke esesikhundleni.
Forum